كوردستان: ته‌قينه‌وه‌يل توركيا نيشانه‌ى خواست روى وه‌ڕوى بوينه‌وه‌ى ترۆره
2015-10-11T08:14:16+00:00
حكومه‌ت هه‌رێم له به‌ياننامه‌يگ ئه‌را(شه‌فه‌ق نيوز)شه‌رمه‌زار ئه‌و ته‌قينه‌وه‌يل ترۆريستيه كرد ك رويدان له ئه‌نقه‌ره‌و گرده‌وبوينيگ ريكخرياگه‌يل گرته ئامانج له پايته‌خت و بويه هووكار كوشيان و زه‌خمداركردن شماره‌يگ له به‌شداربويه‌يل ك ئاماده‌ى ئه‌نجامداين چالاكيه‌يل مه‌ده‌نى مه‌ده‌نى بوين وه‌خاتر وه‌ديهاوردن ئاشتى.
جى باسه، به‌ياننامه‌گه ئاماژه وه‌يه‌يش كرد ك له‌يوا په‌لاماره‌يليگ ترۆريستى مه‌ترسيه‌يل ترۆر وه ئاشكرا وه‌رفراوان ئه‌كا له‌ناوچه‌گه‌و له هه‌مان وه‌خت ئى ته‌قينه‌وه‌يله نيشانه‌ى خواست روى وه‌ڕوى بوينه‌وه‌ى ترۆره له‌لايه‌ن ناوچه‌گه‌و كومه‌ڵگاى ناوده‌وڵه‌تى وه ئيراده‌ى بته‌ويگ وه‌خاتر سه‌ركه‌فتن له‌بانيان، ك يه‌يش هه‌وه‌جه وه هاوكارى فراوانتر ديرێد.
