كەركوك.. کوردەیل فەیلی ساڵیاد "شەهید فەیلی" کەن و داوای گلەوداین ماڵدارییان کەن (وینە)

كەركوك.. کوردەیل فەیلی ساڵیاد "شەهید فەیلی" کەن و داوای گلەوداین ماڵدارییان کەن (وینە)
2025-04-05 13:26

شەفەق نيوز/ بەرەی فەیلی لەق پێنجەم کوردەیل فەیلی لە كەركوك، ئمڕوو شەممە، ساڵیاد رووژ "شەهید  فەیلی" وە رسوومەیلیگ تایبەت ئەنجام دان، وەگەرد داواکاری لە حکومەت هەرێم کوردستان و حکومەت فیدڕاڵی وە گرنگی دادپەروەری و پیشکەشکردن مافەیلیان.

عەمار فەیلی وەرپرس لق پەنج بەرەی فەیلی، ئەرا ئاژانس شەفەق نیوز وت: بەرەی فەیلی لە عراق وەگشتی و کەرکوک وەتایبەت، ساڵیاد ئی رزوژ زیاندارە کرد کە گرنگی میژووی دیرێد، کە یاد ئەو نەهامەتی و کارەساتەیلە کریا کە وەگەرد سەرکەونەبل وەسەر کوردەیل فەیلی هاتن.

دیاری کرد کە کەرکوک بەشیگ گرنگ لە هویرمان عراق بوی، کە رژیم لەناودریای لە ساڵەیل هەستا ماڵەیل رمان و سەدان لە مەردمیان وەدەس تاوانبار لەناوچگ عەلی کیمیایی لە ناوچەی ساحەت تەیەران بار کریان، و ئمڕوو لەبان زەویەگەی ئاهەنگ ساڵیاد شەهید فەیلی کردیمن.

 وتیش: ئی چینە کەفتە وەر بارکردن زوورکاری و زیندانیکردن و شکەنجە و زەفتکردن مافەیل، کە گرنگە ئی بوونە ساڵانە یاد بکریەێد تا نەهامەتیەیل دووارە نەکریەن، و بایەسە حکومەت بەغداد و هەولێر ماف کوردەیل فەیلی بیەن، و لەناو دامەزراوە شەهیدەیل توومار بکریەن و مافیان لەو زەویەیلە بیەن کە رژیم فاشیزم وەرین لەلییان زەفتیان کرد.

وتیش: تا ئی رووژە کوردەیل فەیلی ماف خوەیان نەوردنە، و ئەو رووزە هات کە بایەسە دادپەروەری بکریەن و ڕووەک رژیم تاوانبار لەلییان زەفتی کردگە ئەرایان باێدەو، دیاری کرد کە شمارەی خیزانەیل کوردەیل فەیلی لە کەرکوک رەسێدە خیزان، و کەفیمنە شوین ڕووسیان و مار کەیمن ئەرا رەسین دەنگیان وە حکومەت بەغداد و هەولێر تا ماف خوەیان بوەن.

 وەگورەی پەیامنێر ئاژانس شەفەق نیوز، رسوومەیل وە خوەنستن سوورەی فاتیحە ئەرا گیان شەهیدەیل کورد فەیلی دەسوەپی کرد، لە پشتی زنجیرە وتار لەبان زیان ئی چینە پیشکەش کریا، چ لە جاران یا ئیرنگە، وەگەرد زوورکردن لەبان پرس کووچبەرەیل، و مافەیل سیاسی و سەختیەیل ئابووری و کۆمەڵایەتییان.

  محمد شیاع سودانی سەرۆک وەزیرەیل عراق، بڕیار دا رووژ 2 نیسان لە هەر ساڵیگ بوودە رووژیگ فەرمی ئەرا شەهید فەیلی، و پارچە زەوییگ تەرخان کرد ئەرا قەورسان شەهیدەیل فەیلی.

 

00:00
00:00
Shafaq Live