قسەکەر سامانە سرووشتیەیل دویای 12 ساڵ دەس لەکار کیشێد
شەفەق نیوز/ قسەکەر دەسەی گەشت و گوزار، ئمڕوو سێشەممە، لە بەیاننامیگ دەس لەکارکیشانەوەی خوەی لە دویای 12 ساڵ وتەبێژی راگەیان، وتیش جواو هویچ راگەیانکاریگ نیەدەم لەباوەت هووکار دەسلەکارکیشانم.
نادر رۆستی قسەکەر دەسەی سامانە سروشتیەیل لە بەیاننامیگ ئاشکەرایکرد،" وە پێویست زانمێ دەس لەکار وتەبێژی دەسەی گشتی گەشتووگوزار و بەڕێەوبەرایەتی راگەیانن هەڵگرم و دەفەرەت ئەرا وزە و هێزیگتر دروس بکەم، منیش ماوەیگ پشوو بیەم و وە شێوازیگتر خزمەت هاوڵاتیەیل و نیشتمان و پیشخسن گەشتوگوزار بکەم".
دیاری کردیە، ماوەی 12 ساڵ جویر قسەکەر دەسەی گشتی گەشتوگوزار و وەڕێەوبەر راگەیانن دەسەگە کارکردیە و 17 ساڵ جویر نویسەر و رووژنامەنویس مژار گەشتوگوزار کار کرد و 5 کتاو لەباوەت گەشتوگوزار نویسایە، 1500 باوەت لە رووژنامە و گوڤارەیل بڵاوکردیە و فرەترلە 900 چەو وەپی کەفتن لە دەزگایەل راگەیانن وەگەردی کریایە.
وتیش؛" جواو هویچ راگەیاندکاریگ نیەدەم ک هووکار دەس لەکار کیشانم بپرسێد".
