ڕێککەفتنيگ سەرتایی ناوەین "پارتی" و "یەکێتی"... شەفەق نیوز دروسکردن حکومەت دەیەم بڵاو کەێد

شەفەق نیوز/ هەردوگ حزب سەرەکی هەرێم کوردستان، یەکێتی نیشتمانی کوردستان و پارت دیموکرات کوردستان، رەسینە لەیەکفامسنن هاوبەشیگ لەبان بەشەوکردن وەزارەتەیل لە کابینەی دەیەم حکومەت هەرێم، وەگەرد بڕیگ وەزارەتە سەرەکییەیل ئەرا هەر لایەنیگ، و چەوەڕی کریەێد بەشیگ لە پۆستەیل ئەرا پیکاتە نەتەوەیەیل دیاری بکریەن.

ئاژانس شەفەق نیوز زانیاری کەفتە دەسی کە یەکێتی و پارتی لەبان بەشەوکردن پۆستەیل وەزاری لە کابینەی هاتگ حکومەت رەسینەسە رێککەفتنیگ سەرەتایی.

وەگورەی ئی زانیاریەیلە، یەکێتی گشت ئەو وەزارەتەیلە بەێد کە لەکابینەی نۆهەم وەدەسیەو بوینە، وەگەرد سێ وەزارەت زیایە، کە بریتین لە وەزارەت بیناسازی و نیشتەجیکردن، وەزارەت بازرگانی و پیشەسازی، و وەزارەت کاروبار شەهیدان و کاروبار ئەنفال، کە وەرجەیە وەدەس بزووتنەوەی گۆڕان و حزب سۆسیالیستەو بوی.

ئەو پۆست و وەزارەتەیلە پیشنیار کریانە کە بکەفێدە دەس بۆ یەکێتی یانە بوین:

جیگر سەرۆک حکومەت

وەزارەت پیشمەرگە

وەزارەت پلاندانان

وەزارەت بیناسازی و نیشتەجیکردن

وەزارەت کشتوکاڵ و سەرچەوەیل ئاو

وەزارەت خوەنستن باڵا و توێژینەوەی زانستی

وەزارەت رووشنهویری و گەنجەیل 

وەزارەت بازرگانی و پیشەسازی

وەزارەت کاروبار شەهیدان و ئەنفال

ئەو وەزارەتەیلە کە رێککەفتنە  کە بیریەنە پارتی یانە بوین:

سەرۆکایەتی هەرێم 

سەرۆک وەزیرەیل 

وەزارەت ناوخۆ

وەزارەت دارایی و ئابووری

وەزارەت سامانە سروشتییەیل

وەزارەت شارەوانی و گەشتوگوزار

وەزارەت کارەبا

وەزارەت پەروەردە

وەزارەت ئەوقاف و کاروبار ئایینی

وەزارەت تەندروسی

وەزارەت کار و کاروبار کۆمەڵایەتی

وەزارەت داد

سەرۆکایەتی ئەنجومەن وەزیرەیل 

لە باوەت بە پۆستەیل وەزاری کە ئەرا پیکاتەیل نەتەوەیی دیاری کریانە، وەزارەت کاروبار هەرێم ئەرا کاروبار کۆمەڵگا و وەزارەت کاروبار پەرلەمان و حکومەت هەرێم تا ئیسە یەکلایی نەکریانە، و هاتێ بیریەێدە تورکمان و مەسیحی.

ڕێککەفتنە نووەگەی یەکێتی و پارتی ریەگە خوەشەو کەێد ئەرا دروسکردن دەکات حکومەتیگ هاوسەنگ وە نوێنەرایەتیی دادپەروەرانەی گشت لایەن و پیکاتەیل، یەیش رەنگدانەوەی بڕەدەنگیگ سیاسییە کە لە ماوەی ئایندە ئارامی دامەزراوەیی لە ناوچەگە بەرزەو کەێد.

لەو چوارچیوەیە، فازڵ بەشارتی، سەرکردەی دیار لە پارت دیموکرات کوردستان، دووپات کرد کە هەڵوێست سەرۆک حکومەت هەرێم کوردستان و سەرۆک هەرێم کوردستان وە قانجاز ئەو حزبە یەکلایی کریانە، لە چوارچیوەی لەیەکفامسنن سیاسی ئیسە.

فازڵ بەشارتی، ئەندام وەرین ئەنجومەن سەرکردایەتی پارت دیموکرات کوردستان و یەکیگ لە سەرکردەیل ئیسەی پارتی ئەرا ئاژانس شەفەق نیوز وت: "پۆستەیل سەرۆکایەتی هەرێم کوردستان و سەرۆکایەتی هەرێم بوینەسە بەش پارتی، و جویر بەشیگ لە رێککەفتنە سیاسییەیل ئیسە رێککەفتن لەبانیان کریا".

ئی لێدوانە لە وەختیگ کە گۆڕەپان سیاسی هەرێم گبژاوی بڵاویگ وەخوەی دوینێد، لەباوەت دروسکردن حکومەت هاتگ، یەیش لە وەختیگ کە سڵاکاریە وەردەوامەیل ناوەین هیزە سەرەکییە کوردەیل وەتایبەتی پارتی یەکێتی.

ئی رێککەفتن سەرەتاییە ئەرا پۆستە سەروەرییەیل جویر نشانەیگ تیەێد ئەرا پیشکەفتن لە دانوسەنین ناوەین لایەنە سیاسییەیل، وە چەوەڕی رێککەفتن لەبان ئەو پۆستەیل ئیداریە کە مەننەسەو.

لە وەختیگ مەزەنە کریەێد لە چەن هەفتەی ئایندە پێکهێنانی حکومەت نوو دروس بوود، بەڵام دووپاتکردن بەشارەتی پرسیار لە هەڵوێست ئەو لایەنەیا روس کەێد، وەتایبەتی لەوەر رووشنایی ناکۆکییە وەردەوامەیل لەبان چەن باوەتیگ گیرهاتگ لە هەرێم.