فەرمانبەرەیل وەڕێوەبەرایەتی ئاو سلێمانی بایکۆت دەوام کەن لەوەر دیرکەفتن مووچەیلیان (وینە)
شەفەق نیوز/ لە گامیگ نوو ناڕەزایی نیشاندان لەوەر دیرکەفتن مووچە، شمارەی فرەیگ لە فەمانبەرەسل وەڕێوەبەرایەتی ئاو لە سلێمانی، ئمڕوو پەنجشەممە، بایکۆت دەوام فەرمی کردن، داوای خەرجکردن شایستە دارایەیلیان کەن کە لەمانگ نیسانەو دویاکەفتیە.
یەکیگ لە فەرمانبەرەیل نارازیی کە وەخاسی زانست خوەی نەناسنێد وە ئاژانس شەفەق نیوز وت "ئمڕوو بایکۆت فراوانیگ دەوام کریا وەلایەن فەرمانبەرەیل وەڕێوەبەرایەتیەگە، ناڕەزایەیل لەوەر وەردەوام دویاکەفتن مەرەقەزکردن مووچەس".
ئاشکرایکرد "فەرمانبەرەیل داوای خرجکردن مووچەی مانگ نیسان کەن و بڕیار دانە تا داواکاریان جیوەجی نەکرێد ئەرا بان کارەیلیان گلەونیەخوەن".
وتیش "ئەو فەرمانبەرەیلە کە هانە بان پرۆژەیل خزمەتگوزاری دەوام کەن ئەویش وە وەرچەوگردن گرنگی دەوامیان، لەوەختیگ کە فرەیگ لە کراکارەیل ناو وەڕێوەبەرایەتیەگە بایکۆت دەوام کردنە".
