کەشوهەوای کوردستان.. ئاسمان خوەر و بەرزەوبوین کەمیگ لە پلەی گەرمی لەی دوو رووژ بانانە

شەفەق نيوز/ دەسەی کەشناسی هەرێم کوردستان، ئمڕوو جمعە، مەزەنە کرد بە 48 ساعەتەیل ئایندە کەشوهەوای لە فرەی ناوچەیل هەرێم ئارام بوود، کە ئاسمان لە فرەی وەختەگە خوەرە، وەگەرد وەختاوختیگ لەکە ئەور.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو خوەرە وەگەرد لەکە ئەوریگ، و واگە وەتونی ناوەین 10 تا 25 کیلۆمەتر لە ساعەتیگ هەڵکەێد، و لە باکوور خوەرهەڵات روی وەرەو باکوور خوەرئاوا کەێد.

وتیش: پلەی گەرمی لە 3 تا 5 پلەی سەدی لە دویەکە بەرزترەو بوود، و ئاست نووڕستن ئاسوویی ناوەین 8 تا 10 کیلۆمەترە.

دیاری کرد کە کەشوهەوای سوو شەممە، جویر خوەی مینێد، کە ئاسمان نیمچە ئەورە، و تونی واگە ناوەین 10 تا 20 کیلۆمەترە لە ساعەتیگ.

دیاری کرد کە پلەی گەرمی بەرزەوبوین کەمیگ توومار کەید لە 2 تا 3 پلەی سەدی، و ئاست نووڕستن لە 8 تا 10 کیلۆمەتر مینێد.

مەزەنە کرد پلەی گەرمی سوو شەممە، لە شارەیل هەرێم کوردستان وەیجویرە بوود:

هەولێر: 27 پلەی سەدی

سلێمانی: 24 پلەی سەدی 

دهۆک: 27 پلەی سەدی 

کەرکوک: 30 پلەی سەدی 

زاخۆ: 28 پلەی سەدی 

هەڵەبجە: 25 پلەی سەدی 

سۆران: 26 پلەی سەدی 

حاجی ئۆمەران: 12 پلەی سەدی 

گەرمیان:33 پلەی سەدی.