کەشوهەوای نەورووز لە ناوچەیل هەرێم واران و وەفرە لەناوچە کویەیلە وپلەی گەرمی داوەزیان وە خوەی دوینێد

شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو پەنجشەممە، مەزەنەیل کەشناسی ئمڕوو و سوو نەورووز راگەیان.

کەشناسی هەرێم لە بەیاننامەیگ  ئاژانس شەفەق نیوز دیەسێ راگەیان "ئمڕوو لە ئەنجام وەردەوامی کاریگەری نزمە پەستان خوەرهەڵات دەریای چەرمگ ناوڕاس وەبان ناوچەگەمان ئاسمان ئەور و نیمەئەورە وەرد نمە واران لە گشت  سنووریەیل باکوور و خوەرهەڵات هەرێم کە لەناوچە بەرزەیل وەفریش وارێد وە وەخت دویای نیمەڕوو ئاڵشتبوود   تریشقە و بەڵاچە کە هەردوو سەنتەر شار سلێمانی و هەلەبجەش گرێدەو, هەمیش ئەگەر تەپوتوز سوکیگ هەس زیاتر لە   لەناوچەیل باشوور خوەرئاوای  هەرێم,  شەو کەشەگە تا شەوەکی رووژ  جومعە تا رادەیگ سەقامگیر بوود، پلەی گەرمی  ( 4 – 6 ) پلەى سیلیزى داوەزیان توومارکەێد".

 لەباوەت کەشوهەوای سوو نەورووز راگەیان "ئاسمان ئەور و نیمەئەورە، وەرد وارین فرەیگلە ناوچەیل بادینان وە پارێزگای دهوک  وەشیوەی نمە واران کەم کەم دەس وەپی کەێد وەگەرد   کەمیگ وەفر وارین لەناوچە کویەیل سنووریەیل باکوور لە نیمەڕوو  کاریگەی درویژەوبوود ئەرا    ناوچەیل خوەرهەڵات و پارێزگای سلێمانی هەمیش   ناوچەیل تر هەرێمیش وەشیوەی پچرپچر وارێد و کاریگەری لاوازەوبوود تەنیا ناوچە کویەیل سنووریەگان نەود  وەفر وارین کەم کەم بەردەوام بوود ئەرا وەختەیل دیروەخت شەو جومعە وەبان  شەممە وە مەزەنەکرێد تا نیمەرووی رووژ دویەم نەوروز وەردەوم بوود دویایی کاشەگە ساقامگیرەوبوود و پلەی گەرمی (2-3 ) پلە داوەزێد".

بەرزترین پلەی گەرمی مەزەنەکریاگ وە پلەی سیلیزی:

هەولێر :19  پلەی سیلیزی

سلێمانی : 17 پلەی سیلیزی

دهۆک : 15  پلەی سیلیزی 

کەرکوک : 21 پلەی سیلیزی  

زاخۆ  : 15 پلەی سیلیزی

هەڵەبجە : 16 پلەی سیلیزی

سۆران : 15 پلەی سیلیزی

حاجی ئۆمەران : 8 پلەی سیلیزی

گەرمیان :21 پلەی سیلیزی.