کەشوهەوای 48 ساعەت ئایندە لە هەرێم کوردستان

شەفەق نیوز/ وەڕێەبەرایەتی گشتی کەشناسی و زەویلەرزەناسی هەرێم کوردستان، ئمڕوو دووشەمە، کەشوهەوای 48 ساعەت ئایندە مەزەنەکرد  و دیاریکرد کەشوهەوای نیمەئەور وەرد ئاڵشتبوینەیل پلەی گەرمی وەردەوامە. 

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان "کەش ئمڕوو دووشەممە ساماڵ تا نیمەئەورە وەرد ئەگەر واران وارین سوکیگ لەبڕیگ نااوچەیل باشوور هەرێم، مەزەنەکرێد تونی وا لەناوەین  10 تا 20 كم/س، وەئاراستەی باکوور خوەرئاوا بوود، لەهەمان وەخت پلەی گەرمی کەمیگ داوزیان وەخوەی دوینێد بەاورد وە دویکە، مەزەنەکریەد مەودای نوڕین لەناوەین   7 تا 9 کیلومەتر بوود".

وتیش "کەشوهەوای سوو سێشەممە، جویر ئمڕووە وەگەرد ئەگەر کاریگەری تەم سوکیگ کە وەشیوەی فرەتر لە ناوچەیل باشوور، تونی وا هاناوەین  5 تا 15 كم/س، وە ئاراستەی باکوور خوەرئاوا لەهەمان وەخت پلەی گەرمی کەمیگ داوەزێد وە رێژەی  2 تا 3 پلەی سیلیزی بەراورد وە رووژ دویکە، مەودای نوڕین ها ناوەین  5 تا 7 کیلومەتر".

بەرزترین پلەی گەرمی مەزەنەکریاگ بڕیگ لە شارەیل هەرێم:

       •     هەولێر: 37 م°

       •     سلێمانی: 34 م°

       •     دهۆک: 34 م°

       •     كەركوک: 37 م°

       •     زاخۆ: 34 م°

       •     هەڵەبجە: 37 م°

       •     سۆران: 33 م°

       •     حاجی عمران: 23 م°

       •     گەرمیان: 40 م°.