کەشناسی: واران رفتیگ وارێد وەرد بەڵاچە و وەفر وارین لەبان لوتکەیل کویەیل

شەفەق نیوز/ دەسەی کەشناسی و زەویلرەزەناسی هەرێم کوردستان، ئمڕوو سێشەممە، مەزەنەیل کەشوهەوای دوو رووژراگەیان.

دەسەگە لە بەیاننامەیگ راگەیان "ئمڕوو ئاسمان ئەور و باراناویە لە گشت ناوچەگەمان گاجاریگ واران رفتیگە و هاتێ بەڵاچە بوود و وەفر لەبان لوتکە کویەیل سنوری  بوارێد، لە وەختەیل ئیوارە و شەو کوتایی وە شەپوولەگە تێد پلەی گەرمی  (5-7 ) پلە نزمەوبوود".

دیاریکرد "سوو چوارشەممە، ئاسمان نیمەئەورە وەگشتی، هاتێ نمە واران کەمیگ لەبان بڕیگ ناوچەی کویەیلە بوود".

بەرزترین پلەی گەرمی مەزەنەکریاگ:

هەولێر : 15  پلەی سیلیزی

سلێمانی : 17 پلەی سیلیزی

دهۆک : 12  پلەی سیلیزی 

کەرکوک : 18 پلەی سیلیزی  

زاخۆ  : 13 پلەی سیلیزی

هەڵەبجە : 16 پلەی سیلیزی

سۆران : 11 پلەی سیلیزی

حاجی ئۆمەران : 6 پلەی سیلیزی

گەرمیان :21 پلەی سیلیزی.