کەشناسیگ.. هاتێ دوو روژ لە ناوچەیلیگ هەرێم واران بوارێد
شەفەق نیوز ـ هەرێم کوردستان
شارەزای کەشناسی ئاراس جەبار، ئمڕوو شەممە، راگەیان هاتێ دوو رووژ لە هەرێم کوردستان واران بوارێد.
ئاراس راگەیان، وەرد وەردەوامی شەپوول گەرما لە ناوچەگە، لە بەرگە هەوای بان لە بەرزایی 500 ملیبار رێژەی چام بەرزەوبویە کە ئەو چامە لە ناوچەیل کەنداو عەرەبیی وە ناوچەیل خوەرئاوای ئیرانەو ئەرا خوەرهەڵات کوردستان و هەرێم کوردستان و تا باکوور کوردستان درویژەوبویە.
دیاریکرد، پەستان بەرگە وا تا رادەیگ ئاساییە و بەرز نییە، دۆخەگە پوڕیاس تا ئەور خەسەوبوود لە ئاسمان ناوچەگە و ئەگەر واران واران وارین و گورجەوبوین بەڵاچە لە بڕیگ شوین بوود، وە تایوەت لە وەخت دویای نیمەڕوو تا ئیوارەی ئمڕوو وەهەمان شیوە ئەرا سوو یەکشەممە هاتێ گورجەوبوود.
وتیش؛ زیاتر لە ناوچە کویەیل باشوور و باکوور پارێزگای سلێمانی و سنوور قەزای کۆیە، باکوور شار هەولێر و قەزای ئاکرێ، ئەگەر واران وارین بوود و لە ناوچەیل ترەک ئەگەرەگەی کەمە.
