کەشناسی هەرێم کەشوهەوا 48 ساعەت ئایندەی ناوچەگە دیاریکرد
شەفەق نیوز ـ وەدویاچگن
وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای 48 ساعەت ئایندە راگەیان.
وەڕێوەبەرایەتیەگە لە بەیاننامەیگ راگەیان "ئمڕوو ئاسمان ساماڵ و لەکە ئەورە و نیمە ئەور بوود وە تایبەت لە ناوچەیل خوەرهەڵات هەرێم، لە وەخت ئیوارە تا شەو هاتێ تەپووتوز سوکیگ بەرزەوبوود و پلەی گەرمی کەمیگ نزمەوبوود وە ( 1- 2 ) پلە تەنیا ناوچەیل سنوور گەرمیان نەوود کەمیگ بەرزترەوبوود وە ( 1 – 2 ) پلە بەراووردوە توومارەیل دویەکە".
دیاریکرد "سوو ئاسمان رووشنە و پلەی گەرمی نزیکە لە توومارەیل ئمڕوو".
بەرزترین پلەی گەرمی مەزەنەکریاگ ئەرا ناوچەیل هەرێم کوردستان:
هەولێر: 42 پلەی سیلیزی
پیرمام: 39 پلەی سیلیزی
سلێمانی: 41 پلەی سیلیزی
هەڵەبجە:43 پلەی سیلیزی
چەمچەماڵ: 41 پلەی سیلیزی
دهۆک: 41 پلەی سیلیزی
زاخۆ: 43 پلەی سیلیزی
ئاکرێ:43 پلەی سیلیزی
گەرمیان:47 پلەی سیلیزی
حاجی ئۆمەران:35 پلەی سیلیزی.
