کەشناسی مەزەنەی بەرزەوبوین پلەی گەرمی کەێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو شەممە، کەشوهەوای 48 ساعەت ئایندە دیاریکرد.

دەیەگە لە بەیاننامەیگ راگەیان "ئمڕوو ئاسمان ساماڵ و لەکەئەورە گاجاریگ ئەرا نیمەئەور ئاڵشتبوود، وەرد نمە واران وارین وە تایوەت لە  ناوچە کوویەیلەی باکورى هەرێم، وەفر کەمیگ لەناوچە کویەیلە وارێد".

 دیاریکرد، "سوو ئاسمان ساماڵە وەرد دروسبوین لەکەئەور  و پلەی گەرمی یەک تا دوو پلە بەرزەوبوود".

بەرزترین پلەی گەرمی مەزەنەکریاگ وە پلەی سیلیزی:

هەولێر : 19  پلەی سیلیزی

سلێمانی : 17 پلەی سیلیزی

دهۆک : 17  پلەی سیلیزی 

کەرکوک : 22 پلەی سیلیزی  

زاخۆ  : 18 پلەی سیلیزی

هەڵەبجە : 16 پلەی سیلیزی

سۆران : 15 پلەی سیلیزی

حاجی ئۆمەران :7 پلەی سیلیزی

گەرمیان : 22 پلەی سیلیزی.