کەشناسی: خێرایی وا و تەپوتوز لە ناوچەیل هەرێم کوردستان بەرزەوبوود

شەفەق نیوز/ وەڕێوەبەرایەتی کەشناسی و زەولەرزەناسی هەرێم کوزدستان، ئمڕوو دووشەممە، مەزەنەیل کەشوهەوای دوو رووژ ناوچەگە راگەیان.

وەڕێوەبەرایەتيەگە لە بەیاننامەیگ دیاریکرد " ئمڕوو ئاسمان ساماڵە لە دویای نیمەڕوو تا ئیوارە هاتێ خێرایی وا گورجەوبوود وەگەرد بەرزەوبوین تەپوتوز وە تایبەت لەناوچەیل باشوور و ناوڕاس هەرێم و پلەی گەرمی ( 3- 4 ) پلە نزمەوبوود".

ئاشکرایکرد، "سوو ئاسمان ساماڵە، وەرد تەپوتوز سوکیگ لە وەخت شەوەکی و لەوەخت دویای نیمەڕوو خێرایی وا ئەرا ماوەی کەمیگ لە ناوچەیل باشوور گورجەو بوود پلەی گەرمی 2تــا3 پلە داوەزیان وەخوەی دوینێد" .

هەولێر :  37 پلەی سیلیزی  

سلێمانی : 35 پلەی سیلیزی

دهۆک :  36  پلەی سیلیزی

کەرکوک : 38 پلەی سیلیزی  

زاخۆ  :  36 پلەی سیلیزی

هەڵەبجە :37 پلەی سیلیزی

سۆران :  33 پلەی سیلیزی

حاجی ئۆمەران : 27 پلەی سیلیزی

گەرمیان :40 پلەی سیلیزی.