شاندیگ کورد دووارە رەسێدە بەغداد ئەرا باسکردن لە خاڵەیل رێککەفتن وەرد حکومەت سودانی

شەفەق نيوز - بەغداد/ هەولێر 

شاند حکومەت هەرێم کوردستان، ئمڕوو دووشەممە، ئەرا دویەم جار لە ماوەی دوو ھەفتە، رەسیە بەغدای پایتەخت، ئەرا باسکردن لە دویاترین تەقەلایەیل رەسین وە رێککەفتن حکومەت محمد شیاع سودانی سەرۆک وەزیرەیل.

 وەگورەی پەیامنێر ئاژانس شەفەق نیوز؛ شاندەگە وەڵام حکومەت هەرێم کوردستان لەبان ئەو پێشنیارەیلە برد کە حکومەت فیدڕاڵی پیشکەشیان کرد، ئەرا زەمینەسازی دەسکردن وە باسکردن لەبانیان، و رەسین ئەرا لەیەکفامستن هاوبەشیگ.

  ئی کار لە وەختیگ تیەێد کە مەزەنە کریەێد ئەنجومەن وەزیرەیل عراق، سوو سێشەممە، دانیشتن ئاسایی خوەی ئەنجام بەێد، کە شایەت لەناو ئەو دانیشتنە دەنگدان لەبان دویاترین شیوەی رێککەفتن ناوەین هەولێر و بەغدا بیریەێد.