شاندیگ ئەڵمانی پایەبەرز ئەرا نێچیروان بارزانی: وە گرنگی نووڕیمنە ئارامی هەرێم کوردستان و گشت عراق
شەفەق نيوز - هەولێر
نێچیروان بارزانی سەرۆک هەرێم کوردستان، نیمەڕو ئمڕوو چوارشەممە، چەوی کەفتە جيزا ئەدرياس فون گايەر، وەزیر دەوڵەت ئەڵمانیا ئەرا کاروبار دەرەکی و شاند یاوەری.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس گەشەپیدان پەیوەندییەیل ئەڵمانیا وەگەرد عراق و هەرێم کوردستان کریا، و دویاترین نووەوبویەیل رەوش سیاسی لە عراق و هەرێم کوردستان، و پەیوەندیەیل ناوەین هەولێر و بەغدا و رەوشەیل ناوچەگە.
شاند میوان دووپات کرد کە ئەڵمانیا وە گرنگی نووڕێد وە ئارامی عراق و هەرێم کوردستان، و باس ئارەزوو وڵاتیان کردن لە وەردەوامی هاوکاری هاوبەش لە چینەیل جویراجویر.
لەلای خوەییش، سەرۆک نێچیروان بارزانی سوپاس لە دەسمیەتیەیل و پشتگیریکردن ئەڵمانیا ئەرا هەرێم کوردستان لە گشت چینەیل کرد، و مووڤات لە گرنگی چارەسەری ئاشتیانە ئەرا کێشەیل و مقیەتیکردن ئارامی ناوچەگە کرد.
هەڕەشەیل داعش و رەوشەیل سوریا و چەن باوەتیگ ترەک کە لەلای هەردوگ لایەن گرنگە، باسەیل ناو ئەو دیدارە بوین کە باڵیۆز ئەڵمانیا لە عراق، و کونسوڵ گشتی ئەڵمانیا لە هەرێم کوردستان ئامادەی بوین.
