"ئەشکەفت بهێرێ" لە زاخۆ.. رویگ گەشتیاری هەزاران عراقی و بیانی وە لای خوەی کیشێد (وینە)
ئەشکەفت بهێرێ وە یەکیگ لە گرنگترین شوینە گەشتیاریەیل سروشتی لە هەرێم کوردستان دانرێد وە پێکهاتە سەنگیەگەی جیاوە کرێد وەرد رەدبوین چەمیگ وەناوی هیشتیە بوودە رویگ تایوەت ئەرا شمارەیگ لە گەشتیارەیل ناوخوەیی و بیانی وە تایوەت لە وەرز تاوسان.
ئەشکەفت بهێرێ لە وەرز تاوسان شمارەی گەپیگ لە گەشتیارەیل روی لەلی کەن وە مەبەست وەرگردن هەزاران چێژ لە ەنگینی سرووشت و ئەو ئارامیە دیرێدێ..
مەتین عەبدولقادر خاوەن شوینەگە وە ئاژانس شەفەق نیوز وت، "گشت ساڵیگ هەزاران گەشتیار سەردان ئەشکەفتەگە کەن لە گشت پارێزگایەیل عراق وەرد گەشتیارەیل بیانیش".
وتیش "نارووشنی شوینەگە و داشتن ئاو سەردیگ لە وەرز تاوسان و گەم لە وەرز زمسان وەلای خوەی کیشدیان".
ئاشکەرایکرد "وەرز گەشتکردن لەیرا لە مانگ حوزەیران دەسوەپی کەێد تا مانگ ئەیلوول وەردەوامە".
ماهیر فەتاح کە یەکیگە لە گەشتیارەیل وت " ئیە یەکەم جارە سەردان ئێ ئەشکەفتە بکەم، وە راسی ئەشکەفتەگە بی هاوتاس من و خێزانەگەم چێژ لە کەشوهەوای ناوازەی وەرگردیمن".
حسین عەباس گەشتیاریگە کە لە کەربەلاوە هاتیە ل گفتوگوی وەرد ئاژانس شەفەق نیوز وت، "ۆەشوهەوای ئیرە فرە رەنگین و سەردە، ئیمە لە گەرمی توونەگەی تاوسان واینە روی کردیمنەسە ئیرە ئەرا ئەزموونکردن گەشتیگ ناوازە".
