شەفەق نيوز ئاشکرای رێککەفتن نوو ناوەین بەغداد و کوردستان کەێد
شەفەق نیوز - بەغدا/هەولێر/سلێمانی
سەرچەوەیگ ئاگادار، ئمڕوو چوارشەممە، هوریدەکاری رێککەفتن دارایی نوو ئاشکراکرد کە لە ناوەین حکومەت فیدراڵی لە بەغدا و حکومەت هەرێم کوردستان ئەنجامدریاس. ئامانج رێککەفتنەگە یەکلاییکردن مووچە و هەناردەکردن نەفت و یەکخستن داهاتەیلە.
سەرچەوەگە ئەرا ئاژانس شەفەق نیوز وت: لە رێککەفتنەگە هاتگە، حکومەت هەرێم بڕ 240 ملیار دینار لە داهات مانگەیل ئایار و حوزەیران وەرگرێد، وەڕیژەی 120 ملیار دینار لە مانگیگ، بیجگە لەوە رووژانە 230 هەزار بەرمیل نەفت دەێدە دەس بەغدا، لە وەرانوەری بەغدا مووچەی فەرمانبەرەیل هەرێم ئەرا ئەو دوو مانگە ئەرا هەرێم کلبکەێد.
وتیش: حکومەت هەرێم کوردستان پرۆسەی رەسانن داهاتە ناوخۆییەیل لە دەروازە سنوورییەیل دەسوەپی کەێد، وەگەرد بڕ رێککەفتن لەبان نەفت خاو، لە چوارچیوەی جیوەجیکردن مەرجەیل رێککەفتنە نووەگە.
سەرچەوەگە وتیش: قۆناغ هاتگ گردەوبوین ناوەین دەسە تەکنیکییە هاوبەشەیل وەخوەی دوینێد ئەرا وەدویاچگن و هوریدبینیکردن لە ئامارەیل ئەرا هەناردەکردن و هاوردەکردن نەفت، و گفتوگۆکردن لەبان تیرەی هەرێم لە بودجەی فیدراڵی.
لەلای خوەییش، سەرچەوبیگ حکومەتی عراقی راگەیان، حکومەت فیدراڵی چەوەڕی جیوەجیکردن پەیماننامەی حکومەت هەرێم کوردستان کەێد ئەرا چارەکردن قەیران ئیسە.
ئاشکرا کرد کە حکومەت فیدراڵی چەوەڕی نویسیاییگ فەرمی حکومەت هەرێم کوردستانە تا لڵڕی دەسە پەیوەندیدارەیل دەسوە جیوەجیکردن رێککەفتنەگە بکەن.
لە دانیشتن ئمڕوو ئەنجومەن وەزیرەیل هەرێم کوردستان، لەیەکفامستنە نووەگەی تەرم بەغدادەو پەسەن کرد.
