سلێمانی و کەرکوک.. زەخمداری 14 خوەنەوار لە ئەنجام پلیان پاسیگ و دراوردن تەرم خنکیاییگ
شەفەق نيوز/ 14 خوەنەوار وە رویداو پلیان ماشینیان، مەوقەی گلەوخواردنیان لە گەشتیگ مەکتەو لە سلێمانییەو، ئمڕوو چوارشەممە، زەخمدار بوین، و تیمەیل وەرگری شارستانی تەرم گەنجیگ خنکیای لەناو پڕۆژەی ئاو لە قەزای دووزخورماتوو دراوردن.
سامان نادر وەڕیەوبەر بنکەی فریاکەفتن زویوەزوی لە سلێمانی ئەرا ئاژانس شەفەق نیوز وت: پاس خوەنەوارەیل مەکتەو برایەتی تویش رویداو پلیان هات، مەوقەی گلەوخواردنیان لە گەشتیگ ساڵانەس مەکتەور لە قەزای شارباژێڕ.
وتیش: رویداوەگە بویە هوکار زەخمداری 14 خوەنەوار، وەکوتپڕ ئەرا خەسەخانەی شاركران بریان، دووپات کرد کە گشت خوەنەوارەیل تەندروسییان خاسە، و رخیگ لەبان ژیانیان نییە.
لە کەرکوک، سەرچەوەیگ ئەمنی ئەرا ئاژانس شەفەق نیوز وت: تیمەیل وەرگری شارستانی تەرم گەنجیگ لە تەمەن 19 ساڵان دراوردن، دویای خنکیانی مەوقەی مەلەوانیکردن لەناو پڕۆژەی ئاو قەزاگە.
وتیش: قوربانیەگە لەناو پڕۆژەی ئاو دووزخورماتوو مەلەوانی کردیاد، و لەناوڕاس ئاوەگە خنکیا، وتیش: تەرمەگە ئەرا پزشک دادوەری بریا.
