سلێمانی ها لە رخداری.. کەمی ئاو سەرچنار هەڕەشە لە بان ئاو نووشین دروسکەێد

شەفەق نیوز/ پارێزگای سلێمانی لە رویوەڕویبوین قەیران ئاو بەرزترەوبویە وەرد نزیکەوبوین لە هشکەوبوین سەرچەوە ئاوەیل سەرچنار، لەناوەین هووشداریەیل لە  کاردانەوەیل رخداریگ لەبان بڕ ئاو نووشین.

قسەکەر فەرمی وەڕێوەبەرایەتی ئاو سلێمانی، ئامانج جەلال وە ئاژانس شەفەق نیوز وت، "رێژەی ئاو سەرچنار وەشیوەی گەپیگ داوەزیایە و نزیکە،بویە لە سنوور هشکەوبوین" وتیش "لەناوەین  170 تا 180 هەزار مەتر چوارگوشت رووژانە لە ئاو سەرچنار وەکارتێد ئەرا دابینکردن ئاو نوشین لە ماوەی 24 ساعەت، باوجی بڕەگە ئیرنگە داوەزیایە، وەڕێوەبەرایەتیەگە  نیەتوەنێد هەمان بڕ وەکاربارێد".

 شێروان جەمال وەڕێوەبەر  ئاو ناوچەیل ناو سلێمانی لە بەیاننامەیگ رەسە ئاژانس شەفەق نیوز وت؛ " "ئمساڵ بڕ سەرچەوە ئاوەگە داوەزیان وەخوەی دیە.، وەجویریگ بڕیگ لە چەو و سەرچەوە و جویە ئاوەیل هشکەوبوینە یا هانە وەر هەڕەشەی هشکەوبوین" هووکارەگەی چوود ئەرا "کەمێ رێمەی واران وارین، کە بویەسە مدوو نووەونەوین بڕیگ لە سەرچەوە ئاوەیل جویر تاڤان لە قەزای قەرەداخ کە وە تەوای هشکەوبویە" وەپای قسەی.

وتیش " لە بنەرەت 160 چەو و کارێز لە سنوور سلێمانی، 120 گلەیان هشکەوبوینە، هەمیش 95 بیر لە بنەرەت 560 گلە بڕ ئاویان کەمەوبویە یا هشکەوبوینە".