سلێمانی: کۆنفرانسیگ ناودەوڵەتی وزەی نووەوبوی وە 122 توێژینەوە
شەفەق نیوز/ ئمڕوو، یەکشەممە، سێیەمین کۆنفرانس وزەی نووەوبوی لە شار سلێمانی وەڕیەو چگ، وە بەشداریی ئەکادیمی و زانستی کە زیاتر لە 122 توێژینەوە لە وڵاتەیل جویراجویر جیهان لەناوی بوی.
پرۆفیسۆر دیاری عەلی ئەندام دەسەس سەرپەرشتیاری کۆنفرانسەکە ئەرا ئاژانس شەفەق نیوز وت: "ئامانج کۆنفرانسەگە لێکۆڵینەوە لە وزەی نووو لە ناوچەگە و جیهانە، وە بەشداری زیاتر لە 122 توێژینەوەی زانستی کە لەلایەن توێژەران و پسپۆڕەیل جیهانەو پیشکەش کریان".
عەلی ئاشکرا کرد کە "کۆنفرانسەگە باس لە سێ تەوەر سەرەکی کەێد، کە لەلایەن مامووستایەیل پسپۆڕ زانکۆ ناودەوڵەتییە وەناوبانگەیل سەرپەرشتی کریەن، وە بەشداریی فراوانیگ لە زانکۆ عراقی و کوردییەیل، و پسپۆڕیل و ئەکادیمیستەیل چەن وڵاتیگ".
وتیش: "کۆنفرانسەگە تا ماوەی دوو رووژ وەردەوام بوود، لەو ماوە گفتوگۆ لەبان گشت توێژینەوە پیشکەشکریایەیل کریەێد، لە کۆتایی چالاکییەگە بڕیگ پێشنیار و ڕاسپاردە خریەنە وەردەم پسپۆڕەیل وزەی نوو، لە تەقەلایگ ئەرا خاسترکردن دیمەن وزە لە ناوچەگە و جیهان".
