سلێمانی.. کۆنگرەیگ ئەرا پاڵپشتیکردن لەیەکفامسنن ناوەین پیکاتەیل و دووارەنووڕین خاڵەیل تایبەت وە مافەیلیان لە دەستوور
شەفەق نيوز- سلێمانی
دەزگای "ماس" لە سلێمانی، ئمڕوو شەممە، کۆنکرەیگ فراوان سازێد، وە بەشداریکردن نویەنەرەیلیگ لە جویراجویر پیکاتەیل کۆمەڵگای عراقی لە گشت پارێزگایەیل، وەئامانج پاڵپشتیکردن کۆمەڵگایی و نیشتمانی و دووارەنووڕین سەختیەیل لەناوی جیوەجیکردن خاڵەیل مافەیل پیکاتەیل لە دەستوور.
کاروان حەمە ساڵح سەرپەرشتیار پڕۆژەگە ئەرا ئاژانس شەفەق نیوز وت: کۆنگرەگە خوازێد نووڕستن ناوەین پیکاتەیل عراق لە ئاست هویرکردن و کۆمەڵایەتی و نیشتمانی نزیکەو بکەێد، لەڕی گفتوگۆکردن لە باوەتەیل جیوەجیکردن خاڵەیل مافەیل پیکاتەیل لە دەستوور.
ساڵح دیاری کرد کە دەستوور عراق هەڵەی یاسایی لەناوی نییە، وەلێ سەختیەیلیگ راسگانی هەس لە جیوەجیکردن بەشیگ لە خاڵەیلی، وەتایبەت ئەوانە کە پەیوەندی وە شایستەیل پیکاتەیل دیرن، وتیش: گۆنگرەگە ئەرا باسکردن لەی سەختیەیلە و داناین چارەسەریەیل کارا ئەرا نواگیریکردنیان دیاری کریا.
وتیش: کۆنگرەگە سێ خاڵ سەرەکی لەناوی بوی، باس نووڕین و سەختیەیل و چارەسەریەیل کرد، ئەرا پاڵپشتیکردن ئاشتەوایی کۆمەڵایەتی و پەیوەندیکردن ناوەین جیا ناوچەیل عراق، دووپاتیش کرد کە ری ئەرا نواگیریکردن سەختیەیل کەفێدە بەرزکردن هوشیاری وە وەیەکەوژیان و مسۆگەرکردن ماف گشت پێکهاتەیل لە چوارچیوەی یەک دەوڵەت، لە بنەمایی فرەیی و فیدراڵی.
وتیش: پێشنیار چارەسەریەیل بایەسە لە خود پیکاتەیل دەرچوود، و گشتی بەشدار بوود لە دانانی نووڕینیگ یەکخریای ئەرا چارەکردن گیچەڵەیل نیشتمانی، وتیش: کۆنگرەگە ئامادەبوین فراوانیگ لە کەسایەتیەیل سیاسی و نویەنەرەیل لە نەختینەیل کۆمەڵگا لە جویراجویر پارێزگایەیل وەخوەی دی.
وتیش: بڕیارە ئیوارەی ئمڕوو کۆتایی وە کارەیل کۆنگرەگە باێد، وە دەرکردن تەمەیەیل نویسیاگ لەلایەن نویەنەرەیل پیکاتەیل، تا دویای ئەوە ئەرا لایەنەیل پەیوەندیدار بە ئەنجومەن نویەنەرەیل فیدراڵی بەرزەو بکریەن، دووپاتیش کرد کە ئی کۆنگرە نووبەرەی چالاکییەیلیگ بانانە لەلاین دەزگاگەو رێکخریەێد، وە ئامانج پاڵپشتیکردن دیموکراتی و مسۆگەرکردن مافەیل گشت پیکاتەیل عراق.
