سلێمانی.. دەسگیرکردن 4 کەس بیگانە وە توومەت دزیکردن لە دوکانەیل زەڕەنگەری

شەفەق نيوز- سلێمانی  

وەڕیەوبەرایەتی پولیس پارێزگای سلێمانی، ئمڕوو یەکشەممە، دەسگیرکردن چوار توومەتبار وە دزیکردن لە بڕیگ لە دوکانەیل زەڕەنگەری لە بازاڕەیل شارەگە راگەیان، دیاری کرد کە ڕەگەزنامەیان عەرەبیە.

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: بڕیگ لە خاوەن دوکانەیل زەڕەنگەری سکاڵای فەرمی لەلای دژە تاوان لەناو بازاڕ ناوەندی توومار کردن، کە دزی دوکانەیلیان کریاس.

بەیاننامەگە وتیش: لە بنەمای فەرمان دادوەری، هیزەیل ئەمنی دەسکردنە وەشوینکەفتن و توەنستن ناسنامەی توومەتبارەیل دیاری بکەن، و و هاوکاری مەفرەزەیل بازاڕ ناوەکی و بەش دژە تاوان دەسگیر کریان.

 وتیش: بڕیگ تەڵای دژی لەلایان بویە، وەگەرد ماشینیگ نە ئەرا جیوەجیکردن دزی وەکاری هاوردنە.

بەیانامەگە وتیش: ئەو چوار توومەتبارە رەگەزنامەی دەوڵەتیگ عەرەبی دیرن، و وەشیوەی گەشتیار هاتنەسە ناو هەرێم کوردستان، و لڵ رووژەیل گوزەشتە سەردان بازاڕەیل و دوکانەیل زەڕەنگەری کردنە، و هەناێ خاوەن دوکانەیل سەرقاڵ کار بوینە، یانەیش بڕیگ تەڵا دزینە.

لە کۆتایی وتیش: توومەتبارەیل  (ئ.هـ.م - ڕ.هـ.م - م.ی.م - ع.م.ع) وە بڕیار دادوەر وەگورەی مادەی 446 لە یاسای سزادان عراقی دەسگیر کریان، و لێکۆڵینەوە وەگەردیان وەردەوامە تا هەواڵەی دادگا بکریەن.