سەرۆک کوردستان پرسەی پاپا فرانسیس کەێد: میراتی ئەو هەر جویر سەرچەوەی ئومید و ئاشتی مینێدەو

شەفەق نيوز/ نێچیروان بارزانی سەرۆک هەرێم کوردستان، ئمڕوو دووشەممە، باس خەفەت قویلی ئەرا کووچکردن پاپا فرانسیس کرد، و ئافەرین لە پایەی مرۆیی و سەردان میژووی کرد ئەرا عراق و هەرێم کوردستان لە ساڵ 2021.

نێچیروان بارزانی سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت: هەس وە خەفەت قویلیگ کەم ئەرا کووچکردن پاپا فرانسیس، ئەو پیاوە کە رویخوەشی و بەزەیی و ئازایی رەوشتی وەپیەو وەرجەستە بوی، دووپات کرد کە هەر شانازی وە دیدارمان کەم و وە نمازەیلی ئەرا ئاشتی لە کوردستان و عراق و جەهان.

 وتیش: میراتی ئەو هەر جویر سەرچەوەی ئومید و سەربەرزی مرۆیی ئەرا نەوەیل هاتگ مینێدەو، دووپاتیش کرد کە سەردانە میژوویەگەی و ئازایانەی ئەرا عراق و هەرێم لە ساڵ 2021 کاریگ قویل بوی لە باوەڕی و هاوکاری، و هەر لە هویرمان گشتمان وەگشت رێز و سوپاسیگ مینێدەو.

بارزانی لە کۆتایی بەیاننامەگەی وت: داوا لە خودا کەیمن گیانی پاکی بخەێدە ئاشتییگ هەمیشەیی.

ئمڕوو دووشەممە، ڤاتیکان راگەیان کە پاپا فرانسیس لە تەمەن 88 ساڵی گیانی لەدەسدا.