سەرۆک هەرێم کوردستان وەگەرد باڵیۆز بەلجیکا باس چەن باوەتیگ کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، پیشوازی لە فیلیب بۆلک باڵیۆز بەلجیکا لە ئوردن و عراق کرد، و وەگەردی باس شیوەیل قایمکردن پەیوەندیەیل عراق و هەرێم کوردستان وەگەرد بەلجیکا کرد، و دەور بەلجیکا لە چوارچیوەی هاوپەیمان ناودەڵەتی ئەرا لەناوبردن داعش، هەمیش باس گەشەیل سیاسی لە عراق و پەیوەندیەیل هەولێر-بەغداد کرد.
وەگورەی بەیاننامەی سەرۆکایەتی هەرێم کوردستان؛ هەردوگ لاێەنەگە دووپات لە بتەوکردن پەیوەندیەیل و فراوانکردن ئاسوەیل هاوکاری هاوبەش کردن و رێک کەفتن ک هیمان داعش مەترسییگ راسی و هەڕەشە لەبان ئاسایش عراق و ناوچەگە دروس کەێد، ئەراوە عراق وەردەوام پاڵپشتیکردن ناودەوڵەتی خوازێد.
باڵیۆز بەلجیکا باس دەسخوەشی و رێز وڵاتەگەی ئەرا دەور هەرێم کوردستان لە نواگردن داعش و قوربانیەیل پێشمەرگە کرد، و جەخت کرد ک ئەوەسا وڵاتەگەی هەر وە هاوبەش پابەندداریگ لە پاڵپشتیکردن عراق و هەرێم کوردستان مینێد.
لەلای خوەییش، وەگەرد سوپاس هەرێم کوردستان ئەرا پاڵپشتیکردن و هاوکاریەیل سەربازی لە جەنگ دژوە داعش، سەرۆک نێچیروان بارزانی دووپات لە گرنگی هاوکاری و هەماهەنگی ناوبەین سوپای عراق و پێشمەرگە کرد، تایبەت لە ناوچەیل بۆشایی ئەمنی.
رەوشەیل شنگال دووارەبوین ئاوارەیی خەڵک ناوچەگە لەئەنجام گەشەیل ئەمنی، گرنگیەیل و گورجی یونایتد لە عراق، رەوش ناوخۆیی هەرێم کوردستان و گرنگی دانوسەنین ئەرا لەیەکرەسینەوە، باوەت ئازادی و ئازادی باسکردن، پەتای کۆڤید-١٩ و کاریگەریی، دویاترین نووەبویەیل جەنگ لە ئۆکرانیا، رەوش ناوچەگە وەشیوەی گشتی، هەڕەشەیل ئیسە ک کەفێدە نوای جەهان، وەگەرد باوتەیلیگتر، لە باس ئەو دیدارە بوی.
