سەرۆک هەرێم کوردستان لە ساڵیاد رێککەفتن ئادار چەن پەیامیگ کەێد ئاڕاستە کەێد
لە بەیاننامەیگ وت: ئمڕوو وت: وەگشت رێزیگ پەنجاو یەکەمین ساڵیاد رێککەفتن ئادار ئەرا ساڵ ١٩٧٠ زنیەو کەیمن، ک خوەی بەرهەم شۆڕش مەزن ئەیلوول و خەبات وەردەوام و خوازین بەرز گەل کوردستان بوی وەسەرکردایەتی بارزانی نەمر.
وتیش؛ رێککەفتن ١١ی ئادار یەکەم بەڵگەنامەی فەرمییگ لە مێژوو نوو بوی ئەرا گەل کوردستان ک ناچار حکومەت عراقی کرد حوکم زاتی وەپی بیەێد.
بارزاني دیاری کرد ک هەرچەن حکومەت عراقی وە زوور هێز لە رێککەفتنەگە هەڵپیچیا، وەلی هەمیشە خوازین گەل کوردستان لە رەسین ئەرا مافەیلی لە چەک وەهێزتر بوی، و ئی رێککەفتنە بویە بنەمای ئەنجامدان دەسکەفتگەیلیگ فرەتر لە راپەڕین و فیدڕالیەت ئەرا هەرێم کوردستان.
سەرۆک هەرێم کوردستان وتیش؛ بنەمای وەکارهاوردن هێز و هەڵپیچانن لە رێککەفتن ١١ی ئادار جەنگ و ویرانکردن وکارەساتەیل عراق زیایەو کرد، ئەرایە بایەدە عبرەت لە مێژوو وەربگریمن هەنای ئی ساڵیادە زنیەو کەیمن و پابەند وە دەستوور و هاوبەشی و هاوکاری لەناونی خوەمان بویمن ئەرا چارەسەرکەردن گشت گرفتەیل و هاوردنەوەی ئاسایش و ئارامی و گەشە و مسۆگەرکردن دویارووژیگ خاستر ئەرا وڵاتەگە وەگشت پێکهاتەیل.
