سەرۆک هەرێم کوردستان پرسەی شەفیق قەزاز کەێد

شەفەق نیوز/ نێچیرڤان بارزانی سەرۆک هەرێم کوردستان، ئمڕوو جمعە، پرسەی  نووسەر و رووشنهویر و سیاسی ناسریاگ لە کوردستان دکتۆر شەفیق قەزاز کرد.

بارزانی لە بەیاننامەیگ وەت: رەحمەتی لە خەباتکارەیل و رووشنهویرەیل دێرین و دڵسوزە نیشتمانیەگان بوی، و گشت ژیانی وتواناگانی ئەرا خزمەت کوردستان لە شۆڕش و خەبات سیاسی و دبلۆماسی و رووشنهویری و ئەکادیمی تەرخان کرد، و خزمەتەیل گەورایگ پێشکەشکردە گەل وخاکەگەی.

وتیش؛ رەحمەتی لە وەخت شۆڕشەگە دبلۆماسی رێزداریگ بوی و لە حکومەت هەرێم کوردستان وەزیریگ سەرکەفتگ و وەتوانا بوی، و خزمەتەیل ناسریاگیگ لە سەرۆکایەتی ئاکادیمیای کوردی پێشکەشکرد و لە چین نووسین و رووشنهویری، وهیمان شوون پەنجەیلی دیارە لەو چینەیلەگ لەناویان خزمەتکردگە.

سەرۆک هەرێم کوردستان هەمیشە سەرەخوەشی لە خیزان رەحمەتی قەزاز  کرد.