سەرۆک هەرێم کوردستان ئەرا بەشداریکردن لە کۆڕبەند دیبلۆماسی ئەنتاڵیا رەسێدە تورکیا

شەفەق نيوز/ نێچیروان بارزانی سەرۆک هەرێم کوردستان، نیمەڕو ئمڕوو جمعە، وە مکیسیگ فەرمی ئەرا بەشداریکردن لە کۆڕبەند دیبلۆماسی ئەنتاڵیا لە چاپ چوارەمی، رەسیە تورکیا.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، لە سەردانەگەی ئیوارەی ئمڕوو، چەوی کەفێدە رەجەب تەییب ئەردۆغان سەرۆک تورکیا، و لە پەراویز کۆڕبەندەگە بڕیگ دیدار و گردەوبوین وەرد شمارەیگ لە گەورە وەرپرسەیل ئەنجام دەێد.

وتیش: لەی کۆڕبەندە کە تا 13ی نيسان/ئەپڕیل وەردەوامە، شمارەیگ لە سەرکردە و وەرپرسەیل بەشداری کەن، و باس پرسەیل و گیچەڵ و ئاڵووزیەیل جیهانی ئیسە کەن و چوینیەتی چارەسەرییان.

کۆڕبەندەگە وە چەودیاریکردن فەرمی وەلایەن رەجەب تەییب ئەردۆغان سەرۆک تورکیا و رێکخستن وەزارەت دەیشت تورکیا وەڕیەو چوود، لەژیر دروشم (گردن دیبلۆماسی لەناو جیهانیگ بەشەوکریای) 

کۆڕبەندەگە تا ماوەی سێ رووژ لە 11 - 13ی نیسان وەردەوام بوود، و نزیکەی چوار هەزار میوان لە ناو ت دەیشت تورکیا بەشداری کەن، لەناویان 20 سەرۆک دەوڵەت و حکومەت، و50 وەزیر دەیشت، و70 وزير ترەک لە جویراجویر دەوڵەتەیل، وەگەرد 60 نوێنەر پایەبەرز لە ریخریاگەیل ناودەوڵەتی.

نێچیروان بارزانی سەرۆک هەرێم کوردستان، جویر یەکیگ لەو سەرۆکەیلە بەشداری کەێد کە وە فەرمی وەلایەن حکومەت تورکیا مکیس کریانە لەناو ئەو 20 سەرکردە کە بەشداری کۆڕبەندەگە کەن.

بەرنامەیل کۆڕبەندەگە رێکخستن 52 کۆڕ و دانیشتن گفتوگۆ هاناوب، لەناویان باس پرسەیل ناودەوڵەتی گرنگ کریەێد، جویر ئاڵشتبوین کەشوهەوا، نواگیریکردن تیرۆر، ئاسایش خوەراک، و زیرەکی دەسکرد.