سەدان قوربانی.. چیرووک کوڵبەرەیل کورد لە "ری مەرگ" ناوەین عراق و ئیران

شەفەق نیوز/ رێکخریاگ ماف مرۆڤ "هانا" کە رێکخریایگ کوردی ئیرنیە ئاشکرایکرد، لە سەرەتای ساڵ 2024 تا ئیسە 63 کوڵبەر ئیرانی کوشیانە و 284 کەس زەخمداربوینە، لەوەخت گواستنەوەی کەلوپەل لەناوچە سنوریەیل کوردستان ئیران و هەرێم کوردستان عراق.

رێکخریاگەگە لە راپۆرتیگ بڵاویکردیە وت، "فرەیگ لەو کەسەیلە کوشیانە یا زەخمداربوینە ئەو کوولبەرەیلەن کە وە مدوو گولەیل راستەوخوەی ئیرانی وەلایەن سوپا و پاسەوانەیل سنوور ئیران دریاسەلیان، هەمیش رمیان وەفر و یەخگردن و تەقیان مین و وەخوارکەفتن لەبان بەرزیەیل و رویداوەیل هاتوچوی  هوکارە ئەرا مردن و زەخمدارییان".

ئاشکرایکرد "بڕ شمارەی گشتی کووڵبەرە کوشیاگەیل 2024، 59 کوشیاگ و 271 زەخمدارە، لەناوەین کوشیاگەیل 41 کەس وە گولەی راستەوخوەی کوشیانە وەلایەن هێزەیل حکومەت ئیران، و 216 کەس راستەوخوەی وە لایەن هێزەیل حکومەت زەخمداربوینە، و 4 کەسیش لە ئەنجام  تەقیان مین، و ئەوەکان وە رویداوەیل سروشتی و ریوبان بویە".

کووڵبەرەیل ئەو کەسەیلەن کەلوبەر لە لای ئیرانەو وەرەولای عراق بەن وە مەبەست فرووشتنیان و وەپیچەوانەشەیو، ماوەی گەشتەگەیان 12 ساعەت کیشێد.