زانايه‌يل ئايينی داواكارن له مه‌رجه‌عه‌يل شيعه ڕشانن خوين كورد حه‌رام بكه‌ن
له به‌ياننامه‌ی يه‌كێتيه‌گه ئه‌را(شه‌فه‌ق نيوز)ئه‌وه ده‌ركه‌فت ك له‌ی ماوه‌ی دوياخره گرژی و گرفته‌يليگ له‌ناونی هيزه‌يل پێشمه‌رگه‌و حه‌شد شه‌عبی ده‌ركه‌فت له قه‌زای خورماتوو و كاردانه‌وه‌ی خراو له‌لی كه‌فته‌و.
به‌ياننامه‌گه ئاماژه وه‌يه‌يش كرد ك زانايه‌يل كوردستان بيجگه شه‌رمه‌زاركردن كرده‌وه‌يل تايفی ك ئه‌دێده هووكار ئاشووگه‌ری، داوايش له مه‌رجه‌عه‌يل ئايينی شيعه‌يش كردن نه‌خش كارای خوه‌يان نيشان بيه‌ن له حه‌رامكردن ڕشانن خوين كورد له‌لايه‌ن كه‌سه‌يليگ ئاژاوه‌چی و ئاشووگه‌ر ك ئامانجيان سووكايه‌تيكردنه وه پيرووزيه‌يل نه‌ته‌وه‌يی.
جی باسه، ئی به‌ياننامه له ئاكام ئه‌و كرده‌وه هات ك بڕيگ له نه‌فامه‌يل له يه‌كيگ له جاده‌يل كه‌ربه‌لا سووكايه‌تی وه ئاڵای كوردستان كردن و خستنه‌ی ژيرپای ريواره‌يل و يه‌يش بويه هووكار كاردانه‌وه له هه‌رێم و داخ له‌دڵه‌يل ده‌سكردنه سزانن ئاڵای عراق.
