زەخمداربوین وەرپرسیگ ناوخوەیی و کەسیگ ترەک لە دهۆک وە گولەی کەسەیلیگ نەناسیای

شەفەق نيوز - هەولێر / دهۆك 

سەرچەوەیگ ناوخوەیی، ئمڕوو پەنجشەممە، خەوەردا کە وەڕیەوبەر ناحیەی دارەتۆ سەروە قەزای بەردەڕەش لە پارێزگای دهۆک، وە گولەی لایەنیگ نادیار تویش زەخمداری سەختیگ هات.

سەرچەوەگە ئەرا ئاژانس شەفەق نیوز وت: رویداوەگە لە ساعەت هەشت شەوەکی بویە، مەوقەی دەرچگن تەحسین عسمەت وەڕیەوبەر ناحیەگە لە ماڵەگەی خوەی لە ناحیەی دارەتۆ، وەچەن گولەیگ زەخمدار بوی.

  وتیش: هاوڵاتییگ ترەک لەو ناوە کار کردیاد، ئەویش وە گولەیگ زەخمدار بوی.

سەرچەوەگە دیاری کرد کە زەخمدارەیل ئەرا خەسەخانەی فریاکەفتن ئاکرێ بریان، و ئیسە تەندروسی هەردوگیان ئارامە.