زییاری ئەرا "میژوو": نێچیروان بارزانی لەپشت وەپارێزگابوین هەڵەبجە بوی.. و شەفەق نیوز بەڵگەنامە بڵاو کەێد
شەفەق نيوز/ هۆشیار زیباری سەرکردە لە پارت دیموکرات کوردستان، دووپات کرد کە نێچیروان بارزانی سەرۆک هەرێم کوردستان، وەرجە زیاتر لە دە ساڵ خاوەن پیشنیار پارێزگابوین هەڵەبجە بویە.
ئی دووپاتکردنە لە پۆستیگ لەبان پلاتفۆرم “ئێکس هات”.
زيباری ئاشکرا کرد کە لە ساڵەیل 2013 و2014 داوای نێچیروان بارزانی ئەرا گردەوبوین ئەنجومەن وەزیرەیل پیشکەش کریا لە سەردەم حکومەت نوری مالکی، و حسێن شەهرستانی لەو وەختە سەرۆکایەتیی کرد، کە لەو وەختە رەزامەنی لەبان ئەو پیشنیارە دریا.
ئاژانس شەفەق نیوز چاپیگ لەو کتاوە کەفتە دەسی کە لە نێچیروان بارزانی سەرۆک حکومەت هەرێم کوردستان لەو وەختە دەرچگە، وە گرنگی وەپارێزگاکردن هەڵەبجە، و ئەو داوا ئەرا پەرلەمان کلبکریەێد تا لەبانی دەنگ بیەن.
دویەکە دووشەممە، ئەنجومەن نوێنەرەیل عراق، دەنگ دا تا هەڵەبجە بوودە پارێزگای شمارە 19 لە عراق، ئەوەیش دویای چەن ساڵیگ لە دویاخستن هاوردنی وەفەرمی لە پەرلەمان عراق لەوەر ناکۆکی سیاسی.
لەی باوەتە، نێچیروان بارزانی ئافەرین لە دەنگدان لە پەرلەمان عراق وەبان وەپارێزگاکردن هەڵەبجە جویر پارێزگای نوویگ کرد، دووپاتیش کرد کە بەغداد رەنجەیل هەرێم کوردستان تەواو کرد وە دەنگدان ئەرا هەڵەبجە.
