رووژ پەنجشەممە لە هەرێم کوردستان پشوو فەرمییە

شەفەق نيوز/ حکومەت هەرێم کوردستان، پەکخستن دەوام فەرمی ئەرا رووژ پەنجشەممەی ئایندە ئەرا کەرت گشتی و تایبەت وەبوونەی جەژن کراکارەیل راگەیان. 

 نویسنگەی راگەیانن و زانیاری لە حکومەت هەرێم کوردستان وت: رووژ پەنجشەممە 1 ئايار 2025، بوودە پشوو فەرمی لە کەرت گشتی (دامودەزگایل حکومەت هەرێم کوردستان) و کەرت تایبەت وەبوونەی جەژن کراکارەیل.

دویەکە دووشەممە، حکومەت فیدراڵی لە بەغداد بڕیار پەکخستن دەوام فەرمی ئەرا رووژ پەنجشەممەی 2025/5/1 لە گشت وەزارەت و دامەزراوەیل حکومەتی دا، وە بوونەی جەژن کراکارەیل جەهانی، لە بنەمای مادەی (1/یەکەم/ك) لە یاسای پشووەیل فەرمی شمارە (12 ئەرا ساڵ 2024).