پەروەردەی هەرێم: ئمساڵ هویچ کۆنفرانسیگ رووژنامەوانی ئەرا دیاریکردکدن یەکەم و دویەم و سێیەم پۆل 12 نیەکرێد
شەفەق نیوز/ وەزارەت پەروەردەی هەرێم کوردستان، ئمڕوو یەکشەممە، چەن بڕیار نوویگ بڵاوکرد و دیاریکرد ئمساڵ سێ یەکەمەیل بان ئاست هەرێم دەسنیشان نیەکرێد.
وەزارەتەگە راگەیان "ئمساڵ چەن بڕیاز گرنگیگ لە لیژنەی باڵای هەمیشەیی تاقیکردنەوە گشتییەیل دریایە، ئەرا راگەیانن ئەنجامەیل پۆل 12ـ ئامادەیی وە گشت بەشەیلەو کۆنفرانس رووژنامەوانی نیەکەیمن و وە ری دیجیتاڵی نمرەی خوەنەوارەیل راگەینین."
وەپای وەزارەتەگە هویچ پەیمانەیگ لەبان ئاست تاک ئەرا ناسان ئاستەیل (یەکەم، دووەم و سێیەم) و هویچ پلەبەندیگ رانەگەیێنرێد؛ هاوکات پێویستە گشت پەروەردە گشتییەیل، قەزا و مەکتەوەیل پابەن بڕیارەگە بوون.
لە ساڵ خوەنستن 2024- 2025ـە، وەزارەت پەروەردە هویچ جویرە ریورەسم خەڵاتکردن سازنیاکەد و ئامادەی هویچ بوونەیگ لەو جویرە نیەود.
لە بەیاننامەگە هاتییە، هەر کەسیگ و کارمەنیگ ناو بازنەی وەزارەتەگە سەرپیچی بکەێد و ئاست خوەنەوار رابگەینێد و رێورەسم سازبکەێد رێکار یاسایی هەوەجەکریاگ وەرانوەری گیرێدەوەر.
وەزارەت پەروەردە، بنەمای هەڵسەنگاندن ئەرا شێواز ترەک زانستیانە ئاڵشتبوود و لەی دوو خاڵەی خوارەو کوڵیان کەێد:
１- رێژە و تێکڕای نمرەی دەرچگن خوەنەوارەیل هەر مەکتەویگ دویای راگەیانن خول دوو نمرەیل بوونە پەیمانە ئەرا دیاریکردن ئاست زانستی مەکتەوەگە، هاوکات ئەنجامەگە ئەرا پەروەردە گشتییەگان، قەزا و مەکتەوەیل کلکرێد.
２- نمرەی پەیمانەیی (الدرجة المعیاریة) و تێکڕای ژمێرەیی (متوسط الحسابي) هەر باوەتیگ لە باوەتەیل پۆل 12ـی ئامادەیی وە گشت بەشەگانی لە دویای تەواوبوین خول دویەم بوودە بنەمای هەڵسەنگاندن مامۆستای بابەت.
