پەرلەمانتاریگ لەباوت مووچەیل کوردستان: عراق رەسێدە هاناێ دەوڵەتەیلیگ ترەک و گەل خوەی ووڵ کەێد

شەفەق نيوز/ مەحما خەلیل ئەندام پەرلەمان عراق لە فراکسیۆن پارتی، ئمڕوو یەکشەممە، رەخنە لەوە گرد کە وەزارەت دارایی فیدڕاڵی کلکردن مووچەی فەرمانبەرەیل و کارمەنەیل کەرت گشتی هەرێم کوردستان وسانیە.

خەلیل لە وتاریگ نووسەر پیشکەش دەسمیەتی دارایی لەلایەن حکومەت هەرێم کوردستان ئەرا رزگاربویەیل ئێزدی وت: وەگەرد نزیکەوبوین جەژن قوربان، حکومەت فیدراڵی مووچەی فەرمانبەرەیل هەرێم کوردستان بڕی، وتیش: عراق دەسمیەتی دەێدە دەوڵەتەیلیگ ترەک، و ئەو کارە ئەرا گەل خوەی نیەکەێد.

 لەلای خوەییش، پشتیوان سادق وەزیر ئەوقاف و کاروبار ئایینی لە هەرێم کوردستان، لە وتاریگ لەناو دیدار زانستی ئەرا بەرزکردن تاوانەیل مناڵەیل وت: ئومید خوازیمن گیچەڵ وسانن مووچەیل وە گفتوگۆ و بنەمایەیل دەستوور چارەسەر بکریەێد.

 وتیش: تەنیا خاڵیگ کە وەپی توانیمن مافەیل خوەمان بچەسپنیمن و وەدەسباریمن، خوەی وە یەکڕزیە ناوەین هیزەیل سیاسی و گەل کوردستان.

وتیش: نەبایەس نیگەران بویمن لەو غەدر و ستەمە کە دەسەڵاتدارەیل لە بەغداد خوازن لەبان گەل کوردستان جیوەجی بکەن، و گشت مافەیل زەفت بکەن نەک تەنیا دارایی.  

دویەکە شەممە، 43 حزب و لایەن سیاسی باس بڕیار وەزارەت دارایی فیدڕاڵی لە وسانن کلکردن مووچەی فەرمانبەرەیل هەرێم کوردستان وە سیاسی و نا دەستووری کردن.