راسی هاتن هێزەیل پێشمەرگە ئەرا ناو بازگە ئەمنییەیل خانەقین
شەفەق نیوز/ سەرچەوەیگ ئەمنی پلە باڵا، ئمڕوو چوارشەممە، راسی هاتنە ناو هێزەیل پێشمەرگەی کورد ئەرا ناو بازگەیل ئەمنی لە قەزای خانەقین باکوور خوەرهەڵات پارزگای دیالە ئاشکرای کەێد.
سەرچەوەگە وە ئاژانس شەفەق نیوز راگەیان "خەوەریگ هەس لەباوەت هاتن هێزەیل پێشمەرگە ئەرا بازگە ئەمنیەیل لە چوارچمگ سنوور خانەقین، لە دیارترینیان بازگەی قەپان کنترۆلکردنە وە ناراسە و وە تەواوی دویرە لە راسیەو".
وتیش "لەورا هاوکاری و هەماهەنگی گەپیگ هەس لەناوین هێزەیل فیدراڵی و پێشمەرگە لە ناوچە هاوبەشەیل ئەو سنوور ناوەین دیالە و سلێمانی، وەپای رێکەفتنیگ پلە بەرزیگ حکومی کەرتەیل بەشکریانە، ئیەش کاریگەری ئەرێنی لەبان ئاسایش ئەو ناوچەیلە پێکهاوریاس و ریگیری لە پێشلکارییل کەێد".
تووڕەیل کۆمەڵایەتی و دەزگایەیل راگەیانن ناوخوەیی لەماوەی چەن ساعەت وەرین خەوریک بڵاوکردن لەباوەت جویلەیل پێشمەرگە وەبان بازگه سەربازیەیل قەزای خانەقین.
