ئەرا سێیەم رووژ وەبان یەک...خوەنیشاندان زانکۆی خانەقین ک سێ داواکاری گرێدەخوەی
شەفەق نیوز/ خوەنەوارەیل زانکۆ لە قەزای خانەقین باکوور خوەرهەڵات دیالە، ئەرا رووژ سێیەم وەبان یەک خوەنیشاندان ئەنجامدان ئەرا هاتنەجی داواکاریەیلیان و شایستە دارایەیلیان وە لایەن حکومەت هەرێم کوردستان.
پەیامنێر شەفەق نیوز راگەیان، دەیان کەس لە خوەنەواریل زانکۆی زوان و زانستە مرۆڤایەتیەل لە خانەقین سەر وە زانکۆی گەرمیان ئەرا سێیەم رووژ خوەنیشاندان ئەنجامدان ئەرا داواکردن دوارە خەرجکردن دەرماڵەی وسایی خوەنەوارەیل و داوەزانن کرای خوەنستن ئیوارمان و خاسەوکردن خزمەتگوزاری لە بەشەناوخویەیل.
پەیامنێرمان وتیش، وپای خوەنەوارە خوتینیشاندەرەیل درماڵەی خوەنەوارەیل لە ساڵ 2012 بڕیار لەسەری دریا و لە ساڵ 2014 وسیا، پارەگە دوارە دەسوەپی کریا و لە دویا ئەو ساڵە دوارە وسیا.
خوەنیشاندەرەیل ئاشکەرایکردن دەرماڵەی خوەنەوارەی ناو خانتقین مانگی 40 هەزارە و 60 هەزار ئەرا دەرەوەی قەزاگە و و داوای زیایکردن دەرماڵەگە دەن وە رێژەی 55% لەوەر بارودۆخ ژیان.
پەیامنێر ئاژانس شەفق نیوز وت، خوەنەوارەیل داوای خاسترەوکردن خزمەتگوزاری کەن لە بەشە ناوخوەیەل و داوەزانن کرای خوەنستن ئیوارمان ک بارگرانی ئەرا خوەنەوارەیل و خیزانیان دروس کردیە.
