ئەرا دویەم ساڵ.. خەسخانەی سلێمانی ها لویتکەی چارەسەرکردن جەڵتەی مێشک لەبان عراق
شەفەق نیوز/ وەڕێوەبەرایەتی تەندروسی سلێمانی، ئمڕوو شەممە، راگەیان، "خەستەخانەی شار" جویر خاسترین سەنتەر چارەسەرکردن جەڵتەی مێشک لەبان ئاست عراق دیاریکریا، ئەرا دویەم ساڵ وەبان یەک، وەپای پۆلین کۆمەڵەی ناودەوڵەتی بیماریەیل جەڵتەی مێشک.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، کۆمەڵەی ناودەوڵەتی بیماریەیل جەڵتەی مێشک قاویش دەمار لە خەستەخانەی شار خەڵات پلاتینی ساڵ 2024 وەپی بەخشریا، دیاریکرد خەڵاتەگە بانتر لە خەڵاتەگی ساڵ گوزەشتە دانرێد و نیشانەی شەرەفە نیەیریەێد تەنیا وە سەنتەرە پزیشکیەیل ئەو وڵاتەیلە درێد زیاترین پیشکەفتن لەێ مژارە دیرن.
تەندروسی سلێمانی لە سەرەتای مانگ نۆڤەمبەر ساڵ وەرین 2024 راگەیان، خەستەخانەی شار خەڵات خاسترین سەنتەر چارەسەرکردن جەڵتەی مێشک لەبان ئاست عراق وەرگردیە، ئەرا رێزلێنان لە تەقەلا پزیشکیەیل کە لەی مژارە پیشکەشی کەن.
