رێککەفتن لەبان وازکردن ناوەند بازرگانی ناوەین کوردستان و هندستان
شەفەق نيوز/ کەمال موسلم، وەزیر بازرگانی و پیشەسازی لە حکومەت هەرێم کوردستان، وەگەرد مع مادان غوبال، قونسوڵ گشتی هندستان لە هەرێم کوردستان، ئمڕوو سێشەممە، رێککەفتن لەبان وازکردن ناوەدیگ هاوبەش ناوەین هەولێر و نیودەلهی.
یەیش وە ئامانج بەرزکردن پەیوەندییەیل بازرگانی ناوەین هەرێم کوردستان و هندستان تیەێد، و باس ئامادەیی کادرەیل وەزارەتەگە ئەرا وازکردن نویسنگەی بازرگانی هندستان کریا لە هەرێم کوردستان.
وەگورەی بەیاننامەیگ رەسیە ئاژانس شەفەق نیوز؛ سڵاکار پەیوەندییەیل و وەڕیەوبەرەیل کۆمپانیایل و گەشەپیدان پیشەسازی ئامادە لە گردەوبوینەگە بوین، و 14 لە گەورە کۆمپانیایل هندی لەناو میوانەیل بوین، کە باس چەن باوەتیگ گرنگ کریا پەیوەندی وە بازرگانی و پیشەسازی دیرن.
وەزیر بازرگانی و پیشەسازی دووپات کرد کە حکومەت هەرێم روی وەرەو قایمکردن پەیوەندییەیل بازرگانی وەرد دەوڵەتەیل کەێد، و باس پاڵپشتی لەلایەن وەزارەتەگە کرد ئەرا خاوەن کاروبارەیل بیگانە لەناو هەرێم کوردستان.
وتیش: وەزارەتەگە هەمیشە ئامادەس ئەرا پیشکەشکردن پشتگیری و ئاسانکاری ئەرا گریەداین پەیوەندییەیل ئابووری وەرد دەوڵەتەیل، و پیشکەشکردن وازکردن ناوەند بازرگانی هندی - کوردستانی، وتیش؛ نویسنگە بازرگانی دویای وەرگردن مووڵەت فەرمی لە وەزارەتەگە سوو واز کریەێد.
