دويای 85 رووژ.. فەرمانبەرەیل کوردستان تەنیا مووچەیگ وەرگرن لەناو رخ گلەوخواردن قەیرانەگە
شەفەق نيوز- هەولێر
فەرمانبەرەیل و خاوەن مووچەیل لە شار هەولێر پایتەخت هەرێم کوردستان، ئمڕوو شەممە، روی وەرەو بانکەیل و ئامێرەیل خەرجکردن کردن ئەرا وەرگردن مووچەیلیان، ئەوەیش دویای 85 رووژ لە دیرکەفتن لەوەر ناکۆکیەیل دارایی ناوەین بەغداد و هەولێر.
عەبدولڵا فەرمانبەریگ حکومەتیە، ئەرا ئاژانس شەفەق نیوز ئویشێد: هەرچەن ئمڕوو مووچە گردیە، وەلێ قسەکردن لەبان چارەسەر گیچەڵەیل دارایی ناوەین حکومەت هەرێم کوردستان و حکومەت فیدراڵی، وەلێ هیمان جادەگە فرە رخی چوود لە دووارەبوین ئی ناکۆکیەیلە کە وە بەدی وەبان تیکەنان مەردم گلەو خوەێد.
وتیش: وەکارهاوردنیگ هەس ئەرا تیکەنان مەردم جویر کارت زوورهاوردن ناوەین هەردوگ لایەن، و ئی کارە زەرەد وە گەل و جویلەی ئابووری لە هەرێم کوردستان رەسنێد.
لەلای خوەیەو، کاروان فەرمانبەر حکومەتیە، ئەرا ئاژانس شەفەق نیوز وت: ئەو پویلە کە دویای 85 رووژ لە دیرکەفتن کەفێدە دەس ئیمە، تەنیا ئەرا گلەوداین قەرزەیل هن ئەو رووژەیلە چوود کە بیمووچە بویمن، کە فرەی فەرمانبەرەیل خاوەن خیزان و مناڵن، ناچار بوین قەرز بکەن، بەشیگیان ناوماڵەی فرووشتن تا بتوەنێد زیانیگ وەسەر بوەێد.
وتیش: باوەڕ نەیرم ئی مووچە جویلەی ئابووری وەشیوەی خاسیگ هەکاتی جاران بخەێدە بازاڕ.
باوەت سپۆنسەرکردن مووچەیل هەرێم کوردستان ژاوەژاویگ وەردەوام وەخوەی دوینێد لەناوەین حکومەت هەرێم و حکومەت فیدراڵی، کە بەغدا پەڵپ گرێد کوردستان داهاتەیل بەێد تا ئەو مووچە کلبکەێد، و هەولێریش توومەتبار ناوەند کەێد وە ریگریکردن وە مدووەیل سیاسی و ئابووری.
خەرجکردن مووچەی مانگ ئایار دویای چەن هەفتەیگ لە دیرکەفتن هات، لەبان ناکۆکی مووچەیل مانگ نیسان کە لە وەخت خوەی خەرج کریا، لە وەختیگ چینەیل سیاسی و میللی لە هەرێم کوردستان ئومید خوازن یەکلاییکردن وەردەوام بوود، و پشت وە میکانیزمیگ ئارام ئەرا خەرجکردن مووچەیل لە بانان بوەسن.
