دوو حزب سەرەکی کورد دووپات لە وازکردن لاپەڕەی نوویگ لە پەیوەندیەیل کەن
2023-05-16T11:20:42+00:00
شەفەق نیوز/ هەردوگ حزب سەرەکی کورد (پارتی دیموکراتی کوردستان و یەکێتی نیشتمانی کوردستان)، ئمڕوو سێشەممە، دووپات لە وازکردن لاپەڕەی نوویگ لە پەیوەندیەیل ناوبەین هەردوگلا کردن، وەگورەی بەیاننامەیگ هاوبەش ک دوای گردەوبوین نووسینگەیلیان بڵاو کریا، ک لە شار سلێمانی وەڕیەو چگ.
وەگورەی راگەیانن هاوبەش، هەردوگلا پیزانی خوەیان ئەرا دەسوەردان مەسعود بارزانی، سەرۆک پارت دیموکرات کوردستان نشان دان، ک لە مەوقەی گونجیاگ خوەی هات.
لە بەیاننامەگە وتنیش: هەردوگلا ڕێک کەفتن لەبان ئەوەگ گام وەرد ئەو لایەنەیل بنەن ئەرا تەواوکردن ئی هەڵمەتە و رێکخستن ماڵ کوردستان و وازکردن لاپەڕەی نوویگ لە گشت پەیوەندیەیل.
نویسینگەی سیاسی پارتی و یەکێتی سوپاس و پیزانین خوەیان لە ئەنجومەن وەزیرەیل هەرێم کوردستان کردن، دویای پەسەنکردن سیانویس یاسای ڕێکخستن دارایی، ک پێشنیاز گشت لایەنەیل کابینەی نوهەم حکومەت هەرێم کوردستان بوی، هەردوگلایان پشتگیری ئەرا ئی بڕیارە نشان دان.
