دویای لەدەسدان بازیەگە.. راهێنەر یانەی زاخۆ دەس لەکار کیشێدەو

شەفەق نیوز/ راهێنەر یانەی زاخۆ، تەلال بەلوشی، وەفەرمی دەس لەکارکیشانەوەی خوەی لە کارەگەی جویر راهێنەر یانەی پیشکەش کرد.

دەسلەکارکیشانی لەدویای دۆرانن یانەی زاخۆ تێد وەرانوەر میوانەگەی یانەی دیالە وە ئامانجیگ بی وەرانوەر لەو بازیەی کە لە بازیگای زاخۆ وەڕیوەچوی لە ئاست 30 خول ئاسارەیل عراق.

ئیدارەی یانەگە دەس لەکارکیشانەوەگە پەسەن کرد هیوای سەرکەفتن لەپیشە نوەگەی خوازی هەمیش دەسخوەشی کرد لە تەقەلایەیلی ئەرا خزمەتکردن یانەگە.

یانەی زاخۆ رویوەروی دۆرانن بوی وەرانوەر دیالەی میوانی وە یەک ئامانج لە رکابەریەیل بازییگ کە لە بازیگەی یانەی زاخۆ وڕیوەچی، یەکەم بەش وە یەکسانی وە بی ئامانج تەواوبوی. 

بەش دوو دیالە لە خولەک 72 ئامانجیگ توومارکرد لەری کولینز ئەوباری و وە یەش دیالە خالەگانی بەرزەوکرد ئەرا 27 لە پلەی 17، لەهەمان وەخت یانەی زاخۆ وە 53 خاڵ لە ئاست سێیەم مەن.

‏بازیەگە وەبی ئامادەبوین لایەنگرەیگ وەڕیوەچی وە مدوو سزاداین لایەنگرەسل زاخۆ لەدویای وردەوردەیل بازیەگەی نەورۆز و زاخۆ.