دهۆك.. مردن 3 کەس دویەتیگ هاناویان وە دوو رویداو خنکیان
شەفەق نيوز/ وەرپرسیگ لە وەڕیەوبەرایەتی وەرگری شارستانی لە دهۆک، ئمڕوو یەکشەممە، خەوەردا لە مردن سێ کەس وە خنکیان، لە دوو رویداو جیاجیا لەناو سنوور پارێزگاگە.
عەقید بێوار عەبدولعەزیز ئەرا ئاژانس شەفەق نیوز وت: یەکەم رویداوەگە لە دەریاچەی بەنداو دهۆک بویە لە باکوور شارەگە، کە دوو برا مەوقەی سەیرانکردن لە ناوچەگە خنکیان، وتیش: ئەو دوو برا خەڵک شار موسڵ بوینە، و سێ کەس ترەک لە بنەماڵەیان وەگەردیان بویە.
وتیش: خەڵکەگە توەنستن ئەو سێ کەسەگە رزگار بکەن، و تەرم دوو براگە دویای خنکیانیان لەناو ئاو دەریاچەگە دراوردن.
رویداو دویەم، لە ئاوای كريكوری وەرەو خوەرئاوای پارێزگای دهۆک بویە، کە دویەتیگ لە تەمەن 13 ساڵان کەفتە ناو بیریگ پڕ لە ئاو، مەوقەی شوانی وەگەرد پەسەیل نزیک ئاوایەگە.
عەقید بێوار دووپاتیش کرد کە تیمەیل وەرگری شارستانی توەنستن تەرم ئەو دویەتە درارن دویای رەنجەیلیگ لەلایەن تیمەیل رزگارکردن.
