دهۆک.. شوانیگ زووران وەرد خرسیگ کەێد وە زەخمداری قورتار بوود.. وینە

شەفەق نيوز– دهۆك 

کەسەیلیگ لە وەچەودیەیل، ئمڕوو یەکشەممە، خەوەردا کە شوانیگ کەفتە وەر پەلامار سەختیگ لەلایەن خرسیگ کویەیی لە ئاوای ئەورە سەروە ناوچەی کانی ماسی لە بان سنوور پارێزگای دهۆک وەگەرد تورکیا.

 ئەو کەسەیلە ئەرا پەیامنێر ئاژانس شەفەق نیوز وتن: مەوقەی شوانیکردن رێن پەسەیل لەناو زەوی و زار سەختیگ لە ناوچەیگ کویەیی نزیک ئاوایەگە، ئەو پیاوە خرسیگ وەناکاوەو لەلی هاتەدێ و وەکوتپڕ پەلاماری دا.

  وتنیش: شوانەگە تەقەلا دا خوەی لە چنگ خەرسەگە قورتار بکەێد، و زووران وەگەردی بگرێد، وەلێ خرسەگە وەچەن قەپیگ لەش شوانەگە گەزێد.

وتنیش: شوانەگە یەکەم جار ئەرا بنکەیگ تەندروسی لە کانی ماسی بریا، ئەرا فریاکەفتن سەرەتایی، و دویای ئەوە لەوەڕ سەختی زەخمەیلی ئەرا خەسەخانەی دهۆک بریا