ده‌خيل وشدارى دا له‌باره‌ى گرتنه‌ئامج رووڵه‌يل پيكهاته‌گه‌ى
ده‌خيل له لێدوانێگ ئه‌را(شه‌فه‌ق نيوز)وت: بايه‌سه كرده‌وه‌يل سه‌بازى ئاسمانى وه دقه‌ته‌و ئه‌نجام بدريه‌ێد له‌وه‌ختيگ ك بنگه‌يل ريكخرياگ داعش ئه‌گرنه ئامانج هه‌ر له باره‌گاو جبه‌خانه‌يل چه‌ك بگر تا ڕه‌سێده سه‌ربازگه‌يل مه‌شقداين، چوينكه شماره‌ى فريه‌يگ له ڕووڵه‌يل ئێزيدى له‌و سه‌ربازگه‌يل داعش وه‌ناچارى مه‌شق وه‌پيان ئه‌كريه‌ێد.
ده‌خيل هه‌ميش وت: ئيمه وه‌گشت باوه‌ڕيگه‌و لايه‌نگرى هه‌وڵ جه‌نگى ئه‌كه‌يم ك به‌شدارى له دژايه‌تى داعش بكا، وه‌لى له هه‌مان وه‌خت بايه‌سه چاره‌نويس وجوود ئه‌و 1060 جايه‌ڵ و هه‌رزه‌كاره‌يل ئێزيدييشه له‌وه‌رچه‌و بگرێم ك ته‌مه‌نيان ها ناونى 12 تا 16 ساڵان ك وه زووره‌ملى له‌ناو سه‌ربازه‌يل داعش مه‌شق ئه‌دريه‌ن و مه‌ژگ شوورى وه‌پيان ئه‌كه‌ن له‌ژير هه‌ڕه‌شه‌ى سه‌ربڕين و هه‌ر وه‌و خاتريشه بايه‌سه ئه‌و جايه‌ڵه‌يله قورتار بكريه‌ن.
