داوەزیان فرەیگ لە رێژەی کووچکردن گەنجەیل لە هەرێم کوردستان
2024-01-09T12:09:08+00:00
شەفەق نیوز/ سەرۆک تووڕ رێکخریاگ مەدەنیەیل هەرێم کوردستان سیروان گەردی، ئمڕوو سێشەممە، راگەیان، داوەززیان گەپ و وەرچەوەیگ هەس لە کووچ گەنجەیل لە هەرێمەو ئەرا ئەوروپا و ئەو وڵاتەیلتر جەهان.
سیروان لە کۆنگرەیگ رووژنامەوانی ئمڕوو وت، لەماوەی سێ ساڵ گوزەشتە نزیکەی 36 - 38 هەزار گەنج لە هەرێم کوردستانەو کووچ کردنە و لەماوەی ساڵ 2023 رێژەگە داوەزیایە رەسیەس ئەرا 1030 کەس.
هووکار داوەزیان کووچکردن لە هەرێمەو چوودەو ئەرا دروسبوین جەنگ لەناوەین ئۆکرانیا و روسیا و بارودۆخ ئابووری ئەوروپا، و سنووردارکردن دەسڵاتدارەیل تورۆیا ئەرا ئۆپراسیۆنەیل کووچەیل نایاسایی.
