داعش خاوەنداریەتی پەلامارەگەی وەبان هەسەدە لە سوریا کەێد

شەفەق نيوز/ ریخریاگ داعش، ئمڕوو دووشەممە، پەلاماردان جەنگاوەرەیل کورد لە پارێزگای دێرەزور لە خوەرهەڵات سوریا  وەخاوەن کرد.

تەلەڤزیۆن ناوخوەیی سوریا وت: ئەو پەلامارە بویە هوکار کوشیان پەنج ئەندام هەسەدە، و زەخمداری نزیکەی 10ی ترەک.

ئەو پەلامارە لە ناوچەی جەزرات لە ریف دێرەزور خوەرئاوایی رویدا.

وەرجەیە ریخریاگ داعش، لە شارەیل دێرەزور و حەسەکە خوەرهەلات سوریا، لە هەفتەی گوزەشتە پەلامار شوینەیل هەسەدە دا.

روانگەی ماف مرۆڤ سوریا 66 ئۆپراسیۆن لەلایەن شانەیل ریخریاگ داعش لە ناوچەیل ئیدارەی کوردی لە سەر ساڵەو توومار کرد، کە وە پەلامار چەکدار و تەقینەوە بوینە. 

 ئامار کوشیاگەیل لەو پەلامارەیلە رەسیە 23 کوشیان، 13 لە هەسەدە و کەرتەیل هاوکاری، و5 لە داعش، وەگەرد 5 مەدەنی.