دارابی كوردستان مەوقەی خەرجکردن مووچەی ئەو مامووستا و فەرمانبەرەیلە دیاری کەێد کە لەی نووە دامەزریانە

شەفەق نيوز- هەولێر وەزارەت دارایی و ئابووری لە حکومەت هەرێم کوردستان، ئمڕوو یەکشەممە، مەوقەی خەرجکردن بڕیگ لە مووچەیل راگەیان ئەرا چینە جیاجیایەیل فەرمانبەرەیل، لە سوو دووشەممە 28 تەمووز 2025 دەسوەپی کەێد.

وەزارەتەگە لە بەیاننامەیگ رەسیە ئاژانس شەفەق نیوز وت: مووچەی مانگ ئایار 2025 سوو دووشەممە ئەرا مامووستایەیل گریەبەسی لە وەزارەت پەروەردە لە گشت هەرێم کوردستان بەشەو کریەێد.

وتیش: هەر لەو رووژە، مووچەی مانگ نیسان 2025 ئەرا مامووستایەیل گریەبەسی لە وەزارەت خوەنستن باڵا و توێژینەوەی زانستی بەشەو کریەێد.

وەزارەتەگە هەمیش ئاشکرای بەشەوکردن مووچەی مانگ ئایار 2025، و مووچەیل مانگەیل ئاب و ئەیلوول ساڵ 2024، راگەیان، کە هەمیش سوو دووشەممە ئەرا گشت ئەو فەرمانبەرەیلە دەسوەپی کەێد کە دویای 1 تەمووز 2024 لەبان میلاک هەمیشەیی یان وە گریەبەسی هەمیشەیی چەسپیانە، لەوانەگ مووچە لە داهاتەیل ناوخوەیی هەرێم کوردستان مووچە وەرگرن.