دارایی دەسکەێدە مەرەقەزکردن مووچەی مانگ ئایار فەرمانبەرەیل هەرێم کوردستان عراق

شەفەق نیوز ــ بەغداد

وەزارەت دارایی فیدڕاڵی، ئمڕوو سێشەممە، راگەیان دەسکەنە مەرەقەزکردن مووچەی فەرمانبەرەیل و کراکارەیل کەرت گشتی هەرێم کوردستان ئەرا مانگ ئایار وەرین لە دویای پابەندبوین حکومەت هەرێم وە رادەسکردن نەفت و داهاتەیل نانەفتی.

وەزارەتەگە، ئمڕوو لە بەیانامەیگ راگەیان، " جیوەجیکردن بڕیارنامەی (٥٥٠) ئەنجومەن وەزیرەیل کە لە دانیشتن وەپەلەی خوەی  لە رووژ پەنجشەممە ١٧ی تەمموزی ٢٠٢٥ وەرگیریا، دەسکردیە وە  خەرجکردن مووچەی فەرمانبەرەیل هەرێم کوردستان ئەرا مانگ ئایار ٢٠٢٥".

لە بەیاننامەگە رووشنیکرد، "خەرجکردن باجەیل دویای پابەندبوین حکومەت هەرێم تێد وەو بڕیارە کە لە وەرین دیاریکریاس، ئەرا رەسانن ئەو بڕە وە رێکخریاگ وە بازاڕکردن نەفت  (سۆمۆ) ئەو بڕە بەرهەمەیلە کە ئیرنگە لە کێڵگە نەفتیەیل هەرێم بەرهەم تێد، هەمیش وەردەوامبوین لە رەسانن بەرهەمەیل یەک لەدویای یەک تا ئەو بڕە پویلە لە بڕیارەگەی وەرین دیاریکریاس و یاسای بودجە ئیسە رەسندێ، بیجگە لەو بڕە پویلە ئیرنگە لە کێڵگە نەفتیەیل هەرێم بەرهەم تێد، وەرد رادەسکردنداهاتەیل نانەفتی  کە قۆناغ یەکەم  رەسیە 120 ملیار دینار، و وەرد جیوەجیکردن گشت بڕیارەیل وەلایەن لایەنەیل پەیوەنیدار".