دادگای سلێمانی سزای شه‌ش كه‌ش دا
وه‌ڕيه‌وبه‌رايتی ئاسايش له سلێمانی له به‌ياننامه‌يگ ك(شه‌فه‌ق نيوز)ئاگاداری بوی، وت: هيزه‌يل ئاسايش تويه‌نستنه له ريككه‌فت ١ / ٧ / ٢٠١٥ تا ٦ / ٩ / ٢٠١٥ له ناوچه‌يل پێنجوێن و شارباژێر شه‌ش تومه‌تبار له‌بان وه‌كارهاوردن و بازرگانيكردن وه مادده‌يل هووشبه‌ر ده‌سگير بكه‌ن وه بڕيار دادوه‌ر وه گووره‌ی مادده‌ی(١٤) ك تايبه‌ته وه مادده‌يل هووشبه‌ر.
وه‌ڕيه‌وبه‌رايه‌تی ناوبرياگ يه‌يش ده‌رخست ك دوسيه‌ی ئه‌و تومه‌تباره‌يله به‌رزه‌و كرياگه ئه‌را دادگاو هه‌ر وه‌و خاتريشه دادگای تاوانه‌يل له سلێمانی له ريككه‌فت ٢٨/ ١١/ ٢٠١٥ سزا له‌بانيان ده‌ركردگه وه‌ی جووره:
* تومه‌تبار (ش،ا،م) وە شەش مانگ سزاو ٤٥٠ هەزار دینار غەرامە.
* تومه‌تبار (ح،ا،ص)، وە ساڵيگ و شەش مانگ و٤٥٠ هەزار دینار غەرامە.
* تومه‌تبار (م،ن،م) ساڵێگ و شەش مانگ و ٤٥٠ هەزار دینار غەرامە.
* تومه‌تبار (ا،ا،ا) ساڵێگ و شەش مانگ و ٤٥٠ هەزار دینار غەرامە.
* تومه‌تبار (ر،م،ف) یەک ساڵ و ٤٥٠ هەزار دینار غەرامە.
* تومه‌تبار (ش،خ،ح) وە شەش مانگ و ٤٥٠ هەزار دینار غەرامە.
