دەسگیرکردن پەرلەمانتاریگ وەرد دوو کەس ترەک لە سلێمانی
شەفەق نیوز ـ سلێمانی
چالاکوان مەدەنی عەلی تالب، ئمڕوو پەنجشەممە، خەوەردا هێزەیل ئەمنی هڵکوتانەس بان بارەگای "بزوتنەوەی هەڵوێست " لە شار سلێمانی، عەلی حەمە ساڵح، ڕێکخەر بزووتنەوەگە و ئەندام پەرلەمانی کوردستان و دوو کەس ترەک دەسگیرکردنە.
تالب ئەرا ئاژانس شەفەق نیوز ئاشکرایکرد، وەرجە کەمیگ ئۆپراسیۆنیگ ئەمنی جیوەیکریا، ل ئەنجام هەر یەک لە عەلی حەمە ساڵح، و رێبوار کەریم و غالیب محەمەد" دەسگیرکریان وەبی ئەوەی هویردەکاری زیاتر بخەنەروی لەباوەت هووکار دەسگیرکردن و یا لایەن ئەمنی جیوەجیکەر.
ئێ گامە لەوەختیگە بارودۆخ شارەکە ئالۆزە، دویای قەیەغەکردن خوەنیشاندان وەلایەن دەسلاتدارەیل ئەمنی لە سلێمانیی کە داوای خەرجکردن مووچەی مانگ ئایار کەن.
پەیامنێر ئاژانس شەفەق نیوز ئاشکرایکرد، شمارەی فرەیگ هێزە ئەمنیەیل لە نزیک وەڕێوەبەرایەتی پەروەدەی خوەرئاوای کوردستان بڵاوکریاس ئەرا قەیەغەی خوەنیشاندانەیل کە بڕیاربوی شەوەکی ئمڕوو پەنجشەممە ئەنجام بدرێد.
